餵母乳用品 -- 奶泵 @36W4D

星期二O個日去QE覆診！

去O左永安睇奶泵！

知道18-22號做大特價！

雖然當時唔知我想買O既Medela 奶泵有幾多折！

但有位6月媽媽星期三已經報料話Medela O既Swing係有8折喇！

由於護協已經由$12XX加到$14XX！

咁如果永安做8折都係同護協買差唔多，仲平幾十蚊添呢！

所以我就叫Pauline唔使幫我去買喇！

老公今日過黎接我放工，仲上埋黎公司添！

因為要幫我拎O野返屋企呢！

老公見到阿LAW枱頭個女張相，話激似阿LAW！

我O地個個同事都話佢係女版阿LAW呢！

一樣眼大大，係靚女黎嫁！

跟住我O地去O左一個地下商場食西餐！

呢度唔使加一，都OK抵食嫁！

但可惜一食完出黎就落好大雨！

搞到我O地去O左麥當當坐O左陣！

之後老公仲要去買把遮先可以繼續行程呢！

好唔容易先去到太古城永安！

每個部門都係超多人囉！

尤其係嬰兒部！

我O地一去到就搵Medela Swing 奶泵喇！

真係做8折呢！

跟住問埋Avent 手動奶泵！

同樣有8折！

所以就買O左呢兩個奶泵喇！

點解要買兩個呢！

第一係因為要同時供應俾大小B，一定要一個埋身一個泵出黎俾老公/媽咪餵！

二來係因為我怕單泵泵得耐，但如果買Medela Freestyle又貴成千幾蚊喎！

咁遲O的放完產假都要返公司泵奶！

好多媽咪話生完之後，睇O下有無奶先買！

但到時O的奶泵就未必有特價呢！

同埋我真係一開始就有需要泵出黎先可以應付到大小B，唔同單胎媽咪可以只係埋身餵呢！

所以買一個電動同一個手動喇！

同場仲見到早前有媽咪提到O既有機多奶茶！

話呢隻多奶茶係WORK 呢！

做緊DISCOUNT，所以買O左3盒！

放產假時可以飲自家制上奶湯，呢O的多奶茶係FOR返工時飲呢！

終於都買埋奶泵喇！

即係所有物品都準備好晒喇！