個booking係下晝2點9！
老公1點未夠就已經出到黎QE join我喇！
仲好突然咁見到泰仔同佢老婆添！
原來佢o地剛剛驗到有喜呢！
諗住黎QE 再check實o的！(因為泰仔老婆有屋企人o係QE度做！)
傾o左一陣我o地就去食lunch lu！
我o地行o左去廟街o個頭食lunch！
個老闆真係好好招呼！
熱情到我同老公都有o的唔自然呢，哈！
食飽之後就去永安行o左陣！
原來聽日至星期日做大特價！
我o地想買o既奶泵做8-85折呢！
老公話星期六去太古城買喎！
跟住就行返去日間醫療中心喇！
我o地好準時到嫁！
都唔算等得太耐，都係等o左9個字倒o姐！
個麻醉科醫生都幾後生喎！
最後揀o左半身麻醉！
老公仲打o左去產科o個邊問開刀有無得陪產！
答案係………..無！
咁老公就話咁佢即係扼我o姐，又話鼓勵陪產，宜家又無得陪！
咁我話不如我改返做順產啦！(因為囡囡個頭都轉o左向下！)
但老公就話，如果第時阿囡囡問我”爸爸，點解條數阿哥計到我計唔到o既？！”咁我點答呀！
唔通話因為留o係媽咪肚太耐出唔到黎所以蠢o的咩！
咁又好似有o的道理喎！
經過今日見完醫生同麻醉師，真係開始有少少緊張！
知道老公唔可以陪我入手術室，我都有少少驚！
個麻醉醫生話你係會知道有人搞緊你，但你唔會覺得痛！
日子越黎越近，心情真係開始越黎越緊張！
但緊張得黎又期待！
總之個心情就係複雜啦！
我都係半身麻醉開刀, 真係唔痛架, 淨係覺得有人係肚皮上扯黎扯去, 跟住好快就見到bb ga la....我因為緊急開刀, 都係無老公係身邊陪, 不過孖b會陪住你架ma......加油呀 ~~
回覆刪除[版主回覆05/18/2011 19:44:00]THX！
加油呀~~~~
回覆刪除你BOOK定日子開刀仲好啦~~~
有哂心理準備見BB
我揀順產,成日都唔知BB幾時出世,
個心都係又緊張又期待
[版主回覆05/18/2011 19:46:00]THX！
都可以咁講O既！雖然有心理準備，但都係會緊張呢！
傻啦, 阿妹係你個肚留耐d, 得到多d媽媽既關顧, 第日仲聰明d呀! 又或者同佢講, 因為阿哥想做大佬, 照顧妹妹麻!
回覆刪除[版主回覆05/20/2011 13:34:00]我o既意思係因為醫生話阿囝出完之後要15分鐘內生埋阿囡，但因為生阿囝時應該已經穿o左水都幾耐，怕阿囡因為無咩胎水所以搞到缺氧或者肺功能，咁對阿囡好似唔係太公平！
所以衡量過所有風險，都係開刀係對大小B最好呢！
放心, 唔洗驚!! 我都係開刀, 感覺好似整牙咁, 一D都唔痛, 只係feel 到有野郁!!
回覆刪除唔駛太緊張嫁,見到bb出世個一刻,咩驚都唔記得嫁喇
回覆刪除同埋個過程真係好快嫁..
我都係開刀，因為BB條臍帶有纏頸的跡象，所以提早兩週開刀，幸好最後BB無事。你亦不要太緊張，我BB 4個月，大家交流一下。
回覆刪除唔使緊張，開刀好快架~ 我推入手術室，唔夠15分鐘，就生左阿仔啦~ 放鬆~
回覆刪除