o係28W o個時其實都已經出過o下！
但o個次一o的都唔痕！
同埋只係出o係右手手背度！
但今次再出就嚴重好多！
兩隻手o既手背，同埋對腳o既腳背出晒疹！
仲要係好痕o個隻！
夜晚真係痕到訓唔到！
好彩之前有同事俾o左一隻專for濕疹o既膏俾我！(佢大肚時都係用呢隻)
擦完真係無咁痕，但都唔係太得！
我諗如果再o係咁落去，真係要去睇醫生先得喇！
老公話唔知關唔關我早兩日食o左1隻虎蝦事喎！
老公仲好緊張咁話會唔會影響到大小B第時唔食得海鮮嫁！
我話我一路食蝦都無敏感o既！
加上我只係到o左8個月o個時先食過一、兩隻蝦咋喎！
之前我戒得好清呢！
我諗對大小B影響應該唔大o既！
希望今次o既濕疹好似上次咁好快好返啦！
唔係真係有排痕喇！(再唔得就要去睇醫生嫁喇！)
放心啦~無事既^^
回覆刪除[版主回覆05/04/2011 12:36:00]希望啦，真係痕到爆........！
你好
回覆刪除第一次睇你個BLOG, 希望大小B順利出世, 到時忙既都要POST D相出黎睇下呀
[版主回覆05/04/2011 19:15:00]希望到時有時間啦，哈！
我都有濕疹.... 好痕, 好辛苦! 不過一定唔好R啦.... 愈R愈痕架!!!!
回覆刪除[版主回覆05/04/2011 19:16:00]我都忍住唔R嫁喇，但真係痕爆呀！
希望有藥膏擦同用金銀花抺身有效啦！