產後補身30天食療計劃

因為媽咪唔太識坐月期間咩o岩我食，咩唔o岩我食！

加上o的老人家話坐月係調理身體最好o既時間！

之前睇過晒兩間坐月食療公司！

上個月底終於都confirm o左用邊間喇！

我o地揀o左康加慧o既紅雞蛋專業坐月食療 - 30天食療方案呢！

由3月開始同佢o地o既盧小姐溝通！

So far未開始都覺得佢o既服務態度好好！

每次打去問o野都一定會有電話做返follow up！

呢個30天食療方案包o左3次中醫面診！

第1次係o係產前！

見今日產檢完可以早o的返屋企，所以就約o左今日5點半喇！

盧小姐同醫師好準時上到黎呢！

今次見面前後用o左成個半鐘呢！

首先係中醫師問診同把脈！

中醫師mark低晒o的record，拎個初步idea我o既體質o岩配咩餐單！

實際o既餐單會等我開完刀之後，中醫師再上門面診把脈先再確實！

中醫師都話唔需要特別食咩去清胎毒！

不過如果擔心的話可以食少少！

建議食腐竹蛋糖水！

而西瓜只可以食3-4塊仔！

中醫師問診同把脈完之後就走先！

盧小姐就留低繼續同我講坐月指引！

盧小姐準備o左3張紙o既指引俾我！

仲每點同我講清楚！

我最記得係：

1.      坐月時唔可以飲室溫o既液體！每次飲o既都要係暖o既o野！

2.      由於包o既藥材湯包要中醫師再面診完(大約生完4-5日後)先送黎，所以可以自已煲住o的上奶湯(中式木瓜魚湯/淮山茨實蓮子瘦肉湯/番茄魚湯)同埋炒米茶飲住先！

3.      o係醫院o個幾日最好叫屋企人煲定炒米茶拎去醫院，唔好剩飲水！

4.      一定唔可以食香腸、火腿、午餐肉之類o既即食o野，仲有就係雞酒、木耳都一定唔可以o係頭十幾日食！

5.      由於我開刀，叫我記得唔可以食蛋、牛肉、生魚！

6.      仲有花膠/燕窩o個o的，頭o個十日內最好唔好食，怕阻礙上奶同有激素！

7.      冷氣同風扇可以開，但吹風口唔可以對住BB同自己！

8.      洗頭真係最好可以忍到10日左右，因為真係會入到風！

9.      沖涼先用薑水淋一次身，跟住就咁用水塗沐浴露，最後一定要用薑水淋身，用薑o既效力令到個身暖返！

10.  生果最好食紅肉生果，一定唔可以水蜜桃、芒果、榴槤、菠蘿同黃帝蕉！

11.  補身可以補到100日，所以叫我千祈唔好心急，急住去大補，因為唔係人人受到呢！

盧小姐仲教o左我o地點樣炒米茶同點樣煲！

又講o左有咩我係一定唔可以做！

最後仲教o左兩個按摩方法，令到奶汁多o的！

盧小姐仲分享o左佢其他客同佢自己o既經驗俾我知呢！

令到老公同我都知多好多坐月期間應該要注意o既地方！

今次見面感覺唔錯！

希望到時佢o地o既餐單同埋藥材湯包真係可以幫到我啦！