今個星期老公建議我返一日放一日！
咁星期二去完覆診，今日就拎AL喇！
訓到10點半俾媽媽叫醒！
因為尋晚睇電視，麥當當出o左個熱香餅早晨全餐！
仲有3包紙巾送！
我就話今日想食呢個早餐！
跟住媽媽真係10點幾走落去買返黎俾我食呢！
真係有媽在家千日好呢！
食飽飽同媽咪傾計！
傾到1點倒，老公就放食lunch返黎喇！
我o地去o左元祿食呢！
今日老公皇恩大赦我食o左3舊壽司呢！
老公仲批准o左下個星期四俾我食西瓜同雪糕呢！
真係聽到都已經開心喇！
老公俾我食係因為知我坐月係嚴禁食所有生冷o野呢！
今日休息真係好舒服呀！
去廁所同斟水唔使行咁遠呢！
返埋聽日同後日半日，下星期就開始我o既產假喇！
我而家31W啦..都開始食西瓜/芝麻糊/同腐竹糖水...但唔知幾時先可以食龜靈膏? 我亞B E幾日不停係我肚位最左邊位置頂住我!
回覆刪除[版主回覆05/25/2011 15:15:00]一個個人體質唔同，你睇O下食O左O的涼O野有無唔舒服喎，有唔舒服就唔好再食喇！
我就係唔O岩食涼O野清胎毒，所以去睇中醫清胎毒呀！
龜靈膏最好等到36W打後先好食呀！