契公禮物@37W

契爺(即係大小B契公)早兩個星期打黎！

其實上個星期已經話黎探我嫁喇！

但因為媽媽星期日約o左人，所以要改期！

今日契爺再打黎！

話宜家過黎探我！

契爺黎探我主要目的係俾禮物我呢！

契爺買o左禮物俾未出世o既大小B！

係一對金兔仔！

因為契爺無俾契娘知佢買O左O野俾大小B！

所以一路都放o左o係金鋪未拎！

諗住過黎探我先拎埋過黎俾我呢！

早幾個星期知道契爺買O左禮物真係唔知好點應好！

一來唔想佢老人家破費，二來宜家o的金價咁高！

我知契爺錫我！

老人家亦都會買金俾o的孫！

但真係有少少受寵約驚囉！

點都好啦，我代表大小B先多謝契爺o既一番心意！