政府第九次產檢@36W

今次係最後一次產檢喇！

不過今次無得照超聲波，只係見醫生！

本來係約18號！

但因為今日下晝要見麻醉師，所以就改埋做今朝見醫生喇！

由於要等埋老公出門口返工，所以都遲O左成半個鐘先去到！

但好好彩呢！

去到B3病房，磅重、量血壓、驗小便！

跟住等都唔使等就可以見醫生喇！

因為醫生O岩O岩O係度呢！

上次個姑娘都已經講話睇O下好唔好彩，睇O下醫生幾點黎呢！

姑娘仲大叫醫生睇埋我先好走呀，哈！

入到房都係上床！

但今次只係聽O下心跳同摸O下肚仔咁！

今次個醫生係上次半夜入院收我症O既女醫生！

入去見醫生前後都只係用O左5分鐘倒咋！

唔怪之後單胎媽媽話政府產檢唔得啦！

我都覺得幾求其呢！

本身係要一個WEEK返去覆診！

但因為下次個期近開刀個期，所以唔使再返去覆診喇！

上次產檢(上星期四)重68.7KG，今次重69.6KG！

1個星期唔夠重O左差唔多成KG呀！

老公話O岩數喎！

大小B各重O左1磅丫O麻，真係俾佢激死呀！

老公好一廂情願咁話大小B咁宜家咪各有6磅囉，哈！

見完醫生拎埋到診紙都只係10點！

跟住自己落去CANTEEN食早餐！

食完就去OK買本雜誌，再去PACIFIC COFFEE度坐喇！

因為要等老公出黎陪我下晝見麻醉師呢！