準備炒米茶@36W2D

今日媽媽終於O係佢退休後正正式式第一日O係屋企！

今朝同媽咪傾計！

上次產後補身個盧小姐叫我開完刀唔好飲水，飲住炒米茶！(因為個產後補身餐單未有住，開完刀要5日左右先可以準備好呢！)

咁媽媽今日就炒喇！

盧小姐教用3杯白米加1杯紅米炒！

白鑊用細火炒到金黃色就OK喇！

媽媽都炒O左成3-4個字先變晒金黃色呢！

跟住等佢凍O左就可以用玻璃樽裝好喇！

到要飲時就拎出黎煲！

份量盧小姐話因人而異！

如果想濃O的就落多少少！

生完第一、二日就只係落果皮！(因為我開刀，所以唔好落薑！)

之後可以落南棗！

用10碗水慢火煲佢9個字，咁就可以拎去醫院俾我飲喇！

又準備好多一樣喇！

宜家真係進入最後倒數階段喇！