食完個大家樂下午茶，就搭車過灣仔lu！
接住呢個講座係講開刀、順產同分娩要注意事項！
佢4點3開始，但係我o地成5點先去到！
去到都聽到無痛分娩o既好處壞處！
之後就到講臍帶血喇！
其實真係第一次聽臍帶血係點樣儲存！
佢有埋slide睇，個concept清楚好多！
O係香港政府醫院，暫時只係得廣華、威院、東區同瑪麗有得捐臍帶血！
不過唔係所有肯捐出黎o既臍帶血，政府都會保存！
佢o地一來唔夠位，二黎無咩贊助o係呢方面呢！
聽完有一set禮品送返！
有媽媽奶、惠氏o既毛巾、口水肩、Baby雜誌、毛巾、有機lotion試用裝同埋魚油丸試食裝！
仲有5月下旬bb展o既入場卷換領信！
不過到時個肚籮咁大，老公都唔俾我出街啦！
或者到時叫老公自己一個去睇o下有咩平o野執都好！
今日一口氣聽o左3個講座！
3個講座o既內容都唔相同，都各有得著！
黎緊聽日同下個星期二仲有講座要聽呢！
呢個三月尾真係好忙呀！
下星期二個講座我都去, 呢個三月份都聽咗幾個講座
回覆刪除[版主回覆03/30/2011 07:51:00]我尋日見唔到你呢，三月份真係超多講座聽呢！
一日走3個講座真係勁呀!!!
回覆刪除5月個BB展唔知會唔會好似2月果個咁細呢?
8月大型果個我去唔到呀!(應該座緊月!)
[版主回覆03/30/2011 07:50:00]5月O個個應該係細型嫁咋！
要8月O個個先多O野賣！我都諗住去8月O個個！
你就好啦可以去8月果個...我都好想去架!
回覆刪除8月BB展去左咁多年都係第一年無得去咋!!!有D失望=.=
不過我會叫我老公佢幫我入下貨,到時如果你去到返黎話比我知有咩抵野買,等我叫"老老"去掃貨先!