惠氏講座@20110322

今日準時6點放工！

因為要過灣仔小童群益會睇講座呢！

今次係由惠氏主辦！

講題係 -- 1)懷孕與營養 2)產前檢查及孕婦新知/父母新手須知！

由於老公7點半先黎到，我O地上到去登記完只係得一本雜誌呢！

早到登記O既媽媽會有惠氏媽媽奶粉1罐呢！

不過我都唔飲O既，所以要黎都無用呢！

先係營養師講懷孕與營養！

唔知係咪因為時間太趕呢，個營養師講得好快！

而我O地又坐得後喎，唔係太睇到個POWER POINT呢！

不過佢講到母乳原來都有分唔到階段嫁！

同埋BB出世後1小時後就要俾BB開始吸啜，因為要俾個乳房SIGNAL！

通知佢要開始製造母乳呢！

BB一出世個胃係得一個5毫子大小O既容量！

所以一開始媽媽係一定夠餵得飽BB一餐呢！

當乳房適應O左，乳汁就會不繼増多！

而初乳係好"希"O既！

到O左3-7日O既中乳先慢慢開始"杰"同黃色！

仲有餵母乳係唔係額外俾水BB飲嫁喎！

因為母乳一開始俾BB啜O既頭5分鐘係好希！

之後O的先會杰！

初初5分鐘係俾BB解渴用，之後杰O個O的先係真係FOR BB 飽肚用呢！

餵人奶媽媽O既飲食要好嚴格！

唔可以食辣，因為會影響母乳都會有辣味！

仲要戒口戒得清過拕BB時呢！

所以餵人奶真係要好有耐力同堅持先得嫁！

仲有，營養師話餵人奶時，可以試O下媽咪同BB都唔著衫！

咁樣係一個好好O既親子時間呢！

之後就係一個女醫生講產前檢查喇！

內容唔係太記得！

都係同之前營養師講o既大同小異！

最後o個part係一個博士講產後抑鬱！

不過我o地無聽到就走lu，因為老公太肚餓喇！

今次呢個講座都無白聽o既，起碼知多o的母乳o既資料先丫！