親子王國講座

早前o係親子王國登記o左呢個免費講座！

今日主題係講”疫來不順受，防護不做漏”！

o係上星期已經收到親子王國寄黎o既入場卷喇！

今朝先同老公去o左大滿貫食早餐！

之後就過去會展喇！

講座11點半開始，我o地11點8個字去到！

今次呢個講座可以俾家長帶小朋友入場！

所以見到好多BB呢！

但亦都有好多BB喊聲！

其實都幾影響個講者嫁！

不過今次呢個講座無咩得著！

我仲以為會有介紹o的十三價針之類o既o野添！

今次只係講咩係流感、流感有咩徵狀、處理方法等…..！

今日最大o既收獲就係o的贈品喇！

每包禮品set裡面有大王尿片1片(NB)、思詩樂乾同濕棉各1片、Johnson 兩款濕紙巾各1包同埋1把親子王國o既扇！

都ok豐富嫁！

聽完講座就o係灣仔行o下喇！

本來老公今日出Samsung部機！

但由於有人尋晚掛住打機唔記得back up部舊手機o既o野，所以最終都係要下個星期先可以買呢！

跟住我o地由灣仔行到落銅鑼灣！

之後去o左菓一道食o左個tea！

食完tea由於太累，所以決定打道回府lu！

不過打道係去惠康入貨呢！

因為今日enjoy咭有95折！

買埋今次我o地仲爭15個印花就夠換個焗爐碟喇！

仲有兩個星期派印花，等過多兩個星期再用埋o的coupon買就o岩o岩好喇！