媽媽生日

今日係媽媽新曆生日！

之前媽媽o係佢舊曆生日自己買o左件西餅返黎當生日蛋糕！

o個個情景都幾淒涼嫁！

所以就襯媽媽新曆生日買個生日蛋糕俾媽媽喇！

我o地星期一去訂！

本來我想訂個mini版！

但老公睇完又話個藍莓脆脆好似好正咁！

但呢個蛋糕成2磅喎！

3個人邊食得晒呀！

老公話可以分兩日食都得嫁o麻！

仲有預祝埋媽媽遲o的退休o麻！

就係咁就訂o左呢個喇！

加埋生日朱古力牌！

我o地今晚去o左美心大酒樓食飯！(因為有員工折o麻！)

我仲叫埋阿妹同佢男朋友一齊出黎添！

但無話俾媽媽知，當俾個驚喜佢呢！

我先約好阿妹佢o地，再拎埋個生日蛋糕去酒樓！

我叫阿妹佢o地坐住先！

跟住先去join埋媽媽同老公去酒樓！

媽媽一去到見到阿妹佢o地都不知幾開心呢！

我o地叫o左個龍蝦花膠湯餐！

仲加o左2隻乳鴿！

食飽飽仲有壽包呢！

媽媽當然好開心啦！

食完壽包仲有個蛋糕！

媽媽見到係超開心呢！

話好鐘意個朱古力牌喎，哈！

有阿妹同佢男朋友，所以可以食得晒個蛋糕呢！

希望媽媽滿意今次o既安排啦！

出年就有大小B同埋婆婆一齊慶祝喇！