產後補身

係時候要決定用邊間坐月食療公司！

因為好多人都話坐月坐得唔好，以後手尾就會好長！

而坐月亦都係一個好好o既機會調理身體！

有媽咪生之前身體一向都唔好，但因為坐月坐得好，所以生完之後身體仲好過做女o個時呢！

其實個幾月前已經睇o左幾間專係for坐月時o既藥材湯包公司！

分別係 – 天妍康、康加慧同順海國際陸補軒！

諗住買佢o地呢o的補身package湯包/代茶，跟住叫媽媽陪我坐月時o係屋企燉俾我飲呢！

佢o地o既package分別：

1.      天妍康o既三十方$5,388(三十日藥材湯包，代茶同埋調理身體餐單，包2次中醫面診及2次電診)

2.      康加慧o既紅雞蛋專業坐月食療$5,688(三十日藥材湯包，代茶同埋調理身體餐單，包3次中醫面診)

3.      天妍康o既月子康$3,388(三十日藥材湯包連代茶，只包3次電診)

4.      康加慧o既月滿方$3,876(三十日藥材湯包連代茶，不包電診)

5.      陸補軒$2,530(三十日藥材湯包)

意向一係天妍康，一係康加慧！

同埋應該揀佢連埋餐單o既package！

因為有得包埋中醫面診或電診！

佢會因應體質再開合適o既藥材補湯！

而月子康同月滿方就係佢o地standard好晒o既package！

只係分o左順產、開刀、母乳、非母乳4款o既補湯療程！

即係同產後廿八方o個o的差唔多！

天妍康就多人識o的，康加慧就陳琪做代言人o個間！

天妍康就寫到明會有冬蟲夏草、高麗參、鹿茸同雪蛤膏！

康加慧就無寫明會唔會有以上幾款，但包多一次中醫面診！

兩者相差$300！

而天妍康o係預產期3-6個月前訂仲有o野送添！

同老公商量o下揀邊間先！