任務失敗

今日約o左三表哥今晚出黎幫我o地o係九龍灣車個膠柜返屋企！

三表哥要今晚8點零先可以出到黎！

我同老公就6點半出o左九龍灣先！

諗住去買o左個膠柜，再等三表哥出黎就可以拎走喇！

點知一check件貨！

發覺個面同第一個柜筒係爛o左o既！

跟住個sales仲話平o的俾我o地，問我o地要唔要！

我o地當然唔要啦，要俾成幾百蚊仲要係爛o既！

跟住個sales咁就要訂貨，2個星期倒有得拎！

點知當我o地俾好晒錢，個sales先話寫字樓無人聽電話，問唔到有無貨！

因為或者要好耐先有貨到喎！

所以又要去void 張單！

個sales話星期一或二會再打俾我o地睇o下要訂幾耐喎！

如果呢度個柜要訂個幾兩個月，我諗我o地要揀過另外一個喇！

其實之前o係吉之島睇中o左個IRIS膠柜！

但成千幾蚊呢，有o的唔值呢！

不過到最後都係無都要揀返呢個呢！

由於買唔到個柜，所以亦都叫三表哥唔使出黎lu！

買柜o既任務失敗o左添！

而我o地就o係九龍灣行o左陣街！

老公仲俾我買o左兩件衫添！

仲去埋幾間傢俬店睇有無膠柜或者木柜o岩用！

不過到最後都係無個o岩呢！

行到8點9倒就去海寶漁港喇！

因為老公應承同我打邊爐呢！

呢度9點後每位平$10呢！

以全包任飲任食$98都算幾抵嫁喇！

O野食都係大路o個o的！

不過唔好就係真係限你食2個鐘！

我o地9點入座，應該食到11點！

而佢o地收12點！

咁埋完單老公想要多罐啤酒！

個經理居然諗都唔諗話”唔得喎！因為你o地已經過o左鐘喇！”

當時我同老公都呆o左一陣！

跟住話咁無o野喇！

點知轉頭又拎罐啤酒出黎喎！

真係俾佢吹脹！

咁o既服務態度點得嫁！

雖然係平，但係真係無下次囉！