大小B@27 weeks

今日係大小B 27周大喇！

其實由25week開始已經訓得唔好！

以前我好懶訓！

真係點踢我都唔會醒！

但上兩個星期開始，每晚都係訓得2個零鐘就要起身去VV！

睡眠質素真係超差！

但無法啦！

大小B越黎越大，壓住膀胱，所以成日都搞到好急！

唔去又唔得，大小B又o係度郁！

即係好話我做咩唔去V V 令到佢o地唔舒服！

不過雖然係咁，但都有開心o既時候！

呢排阿囝唔知係咪學識咩叫side kick呢？

係咁踢出黎，bomb bomb聲呢！

佢咁踢法，連老公都問我痛唔痛，哈！

老公仲話阿囝梗係學識新招式，要話俾MaMaMe同BaBaBe知喇！

跟住阿囡又唔執輸啦！

佢又想學阿囝咁side kick！

但又好似唔係太識咁！

我只係feel到佢好似用個pat pat定係個膝蓋咁頂出黎咋！

老公就話阿囡好似MaMaMe咁學o野只係學識一半，學唔足呢，哈！

Feel到大小B o既動作真係好搞笑！

個肚開始越黎越重！

已經睇唔到自己o既腳趾喇！

大小B開始頂住我個胃！

食得飽小小仲會頂埋我個腎添！

剪腳甲剪唔到，鞋帶縛唔到，好多衫都唔o岩著喇！

又有藉口可以去買衫衫喇！

下個星期再去檢查喇！

唔知大小B宜家有幾重呢？！