政府第五次產檢@糖水測試

對上一次產檢已經係2月頭lu(當時22週)！

好彩中間到24週時去過照4D，可以見到大小B！

唔係就要等成6個星期先見到大小B一定掛死BaBaBe同MaMaMe呢！

今日係覆診+糖水測試！

平時一向都係下晝，但因為要空腹做糖水測試，所以一定要上晝！

仲要係晨咁早呢！

7點半就出門口，8點半要去到QE！

原來都有唔少人要飲糖水嫁喎！

不過就唔係個個都有得做產檢！

去到驗小便同磅重！

今次比上次重o左5.1kg！(6個星期重o左10磅)

成個懷孕期我已經重o左29磅喇！

但應該都o岩，之前黃醫生話孖胎成個懷孕期最多重40磅呢！

仲有2個幾月，如果照返宜家咁o既進度，應該唔會超重掛！

跟住就係抽血喇！

先抽o左2支血！

跟住就飲一大碗糖水喇！

之前聽o的飲過o既媽媽講好難飲！
可能我已經有心理準備啦！

我覺得比想像之中好飲！

我仲慢慢飲添，仲同老公講話好好味！

仲話可唔可以飲多碗呢，哈！

9點飲完要等2個鐘再抽血！

呢段期間我叫老公落去樓下canteen食早餐！

因為老公一唔定時食o野就會好暈同面色開始轉嫁喇！

等到10點倒，就叫入房做產檢lu！

其實一路都以為今日只係飲糖水，無得照超聲波！

點知去到登記姑娘先話俾我知我今日原來係做埋產檢呢！

又可以見到大小B喇，我仲以為要去book黃醫生先可以見到佢o地添！

今次由於係上晝，所以係第一次去B座檢查o既男醫生！

去到又係上床開始照超聲波喇！

今次好明顯阿囝同阿囡係訓上下格床！

阿囝就下格，阿囡就上格！

即係話阿囝好大機會係做大，阿囡就做細！

今次照阿囝同阿囡頭骨橫切面都符合實際週數！

但阿囝o既大脾骨唔知做咩短o左，得26w幾o既size！

上次照結構都無事嫁，做咩今次會咁o既？！

但醫生話佢呢個都係o係個range裡面喎，係正常！

阿囡就一切都好正常！

跟住照完主動問醫生知唔知佢o地宜家有幾重！

醫生話其實宜家都唔係太準，要到32週開始o既資料計出黎先係最準喎！

不過醫生都肯話俾我知！

上次係阿囝重過阿囡

2安士！

今次掉返轉，阿囡係重過阿囝2安士呢！

可能係上次照完我o地同阿囝講話要讓阿囡食多o的，唔好爭晒阿囡o的o野食掛！

咁阿囝又真係幾聽話喎，哈！

但其實我覺得係因為阿囝o係肚裡面成日郁黎郁去，所以消耗o左呢！

阿囡就成日都訓，唔係郁得太勁，所以吸收o的！

今日係28w2d，阿囝重2lb8oz，阿囡重2lb10oz！

其實都唔知算係咩size，醫生又無講喎！

不過只要佢o地健健康康就得嫁喇！

雖然佢o地重o的我會辛苦o的，但佢o地重o的出世後會好湊好多呢！

下次係兩個星期後覆診！

到時又可以見到大小B喇！

檢查完大約10點半倒，等多半個鐘就再去抽多1支血就走得lu！

姑娘話聽日會有結果，如果聽日收唔到電話即係合格無事喎！

求神拜佛要合格呀，唔係要食營養餐就幣喇！

如果唔係媽咪有糖尿我都無咁驚o既！

希望一切順順利利啦！