話說星期二我仲放緊假，大約夜晚6點ming ming打俾我！
佢問我夾唔夾份買六合彩，因為有金多寶！
咁我當然話好啦！
到o左今日，搞手同負責收錢的ton ton就問o個日各位話夾o既同事收錢！
點知，伍生同媽媽話無講過夾喎！
咁星期二o個晚係唔中，但之前講好o左夾就夾o麻！
激到ton ton死！
最後得12個人夾，我o地每人要夾多$20！
亦都夾埋今晚o既六合彩複式9個字！
其實我覺得買六合彩都係買個希望o姐，唔使話唔中就唔夾喎！
所以，ton ton話希望我o地今晚要爭口氣，要中俾伍生同媽媽睇！
唔使中得多，只要中就得嫁喇！
我都好相信今次由何生去買，一定會中o既！
因為何生好多時買咩都中，試過中過兩次三T，仲要係十幾廿萬o個隻喎！
六合彩又中過N咁多次！
所以，我相信今晚我o地一定會中o既！今晚媽媽同阿姨佢o地繼續竹戰！
下晝豬豬返屋企拎o的未開o既牆紙去換，仲見到佢o地打緊牌！
3姨仲問豬豬係咪落場添！
哈，佢呢o的office sales engineer 邊有得落場嫁！
豬豬今日好乖，去晒兩間公司退返晒未開o既牆紙！
都退返成四百幾蚊嫁！
夜晚就去返黃大仙間嘉年華食晚飯喇！
今餐係呢兩日媽媽佢o地抽水o既錢黎o既！
之後媽媽佢o地就上舊屋再清埋o的o野！
而我同豬豬當然係搭巴士返屋企先啦！
返到去仲要執麻雀，又要掃地！
不過3姨已經再我o的豬豬公仔拎晒出黎，放o左o係梳化度！
原來我都有成三十幾隻豬豬公仔嫁喎！
當中起碼有成十隻係piglet呢！
其中4隻係豬豬之前o係嘉年華玩返黎o既！
呢o的我當佢o地係寶黎嫁！
真係俾o的阿姨同媽媽激死！
明明o個隻係豬，佢都可以話係扒地熊黎o既！
3姨仲幫我執o左個廚房添！
果然3姨係叻過媽媽o既擺位，擺完當堂唔同晒！
連豬豬都讚3姨擺得好添！由於聽日3姨放假，所以我o地阿姨又上o左黎打牌！
唉…..上星期六入伙之後，已經係第二次喇！
出聲話又唔係，唔出聲我同豬豬又頂唔順！
其實唔係唔想佢o地上黎，只係我o地仲未執好間屋，唔想佢o地上黎住o姐！
我個姐妹話上黎我都唔俾啦，因為唔想失禮o麻！
都唔知媽媽諗咩o既，自己未執好都係咁叫人上黎！
話晒間屋都係我同豬豬嫁o麻，係咪要問過我o地先呢？！
今晚餐飯係3姨買餸o既，同埋負責煮！
佢o地一路打俾，一路等間屋o既男主人，我未來老公返黎食飯！
呢句係我4姨講o既！
哈，佢o地都認同豬豬係男主人呢！
7點倒豬豬就返o左黎喇，而3姨亦都開始煮餸！
若7點半開始有飯食！
食完當然我同豬豬執o野啦，仲有洗碗添！
宜家呢個先叫廚房嫁o麻，以前我同豬豬一齊入去個廚房已經覺得好迫！
宜家再企多個都仲好闊落添呀！
以後洗碗就有人陪喇，哈！
而3個阿姨同姨媽就繼續打牌，我同豬豬都要準備去沖涼，因為聽日我o地兩個都要返工呢！今日媽媽返o左舊屋，因為要去安排退租o的o野！
點知俾媽媽撞到契爺喎！
媽媽仲同o左契爺講我想要個豬牌！
咁媽媽就同契爺去睇喇！
暫時佢o地睇中o左兩款，一款細隻o的，一款大o的o既！
其實大細無所謂，最緊要係我想要個豬牌咋！
仲要係有一排豬仔o個隻喎！
我諗當日著褂同敬酒時戴住，一定好靚o姐！
好多謝由細睇到我大o既契爺將會送呢o既呢份嫁妝俾我呢！今日都係day off！
最衰係樓上樓下仲裝修緊，所以朝早9點就開始鑽喇！
訓o下醒o下咁訓到11點半！
之後就開始執o野喇！
先執埋我o地房o既一大袋紅白藍衫！
之後再清埋o的雜物，宜家間房終於都成型喇！
不過仲爭兩個細膠箱未執！
豬豬未夠1點鐘就返o左黎，仲買o左吉野家俾我食添！
之後因為豬豬呢排無覺好訓，所以去o左訓覺lu！
而我就繼續執廳o既箱！
宜家個C字柜終於都可以放我o地精選公仔上去喇！
不過都係放住先咋，仲要豬豬再過目一次呢！
放o左兩日假，終於都清得七七八八lu！
宜家只係爭個廚房o的o野食同埋安置埋我o地o的袋上個閣仔就可以搞掂埋喇！
睇黎下個月尾應該可以招呼o的朋友黎聚o下喇！做勞力o個個唔係我，係豬豬！
今晚7點倒，落mtr 同個blog友仔拎張receipt，之後豬豬o岩o岩好返到黎藍田，我o地去o左大快活食o野！
食完o野，上返樓，等o左一陣間，強表哥就黎喇！
佢今日o既任務係要幫我o地由新屋車返度廚房門過舊屋，幫媽媽房裝燈，裝洗衣機條喉同裝埋灰色個Clipsal電制！
咁度廚房門咁重，當然要豬豬幫埋手啦！
夾手夾腳搬o左過舊屋，強表哥仲拆埋兩部冷氣，因為佢o地要喎！
3姨放工上黎新屋，因為要等強表哥車佢返屋企！
豬豬佢o地11點返過黎，強表哥搞到成1點先搞掂呢！
真係辛苦晒豬豬喇，佢由上星期五搬屋開始已經無覺好訓，仲要咁辛苦用勞力，之後仲要返工添！
見到佢咁都有o的心痛！
不過搞埋呢次應該唔使再搬搬枱枱嫁喇，因為舊屋o的善後工作我3姨幫我搞掂晒！
聽日我要努力o的執屋，等豬豬放工返黎有wow一聲o既感覺至得！今日拎o左day off！
朝早9點約o左電盈黎裝個電話，因為合約未完，而佢又free搬遷費，所以就用住先！
之後同媽媽執廳o既箱，我o地今日又清o左4個箱喇！
宜家個廳開始闊返喇！
等遲o的執埋個廚房，就應該可以清晒廳o既箱喇！
下晝媽媽去覆診，而我就返舊屋執埋o的手尾喇！
今日仲執多4袋o野返黎，因為之前唔夠時間執個組合柜o麻！
所有我要o既o野都執晒返黎lu！
宜家只係要掉返舊屋o既o野，就可以交返間屋俾房署喇！
雖然話8月開始免租o姐，但唔知我o地仲有無份，所以都係7月底交返俾佢好o的，因為唔想俾多幾日租o麻！
好彩豬豬今日有過黎幫我手咋，唔係我一個人點拎4大袋o野喎！
仲有就係3姨拎o左嫁車仔上黎俾我，唔係我o地實拎死！
聽日再去執埋o的垃圾，同埋強表哥上黎拆部冷氣、搬埋張梳化同組合柜走，咁就可以交屋俾房署lu！
今晚又要開始新屋執o野大行動喇！
希望可以好快清晒o的箱同紅白藍啦！今日係農曆6月24，新曆7月26，亦都係我新居入伙之日！
其實無咩特別o野要做，只係煲o左煲水，開o左風扇咁！
媽媽有無裝香我就唔知喇！
跟住就開始執o野lu！
我o地今日裝好o左個電腦同房個電視！
已經清o左5箱o野，不過仲有好多個5箱未清呢！
下晝6點幾媽媽帶埋清姨同4姨上黎參觀！
清姨同4姨話間屋裝修得好舒服！
夜晚約o左o的阿姨去翠園食入伙飯！
一行14人，有大姨媽同姨丈、3姨、4姨同4姨丈、清姨、表姐同未來表姐夫、倫表弟、B表弟、阿妹、我、豬豬同媽媽！
大姨媽送o左支紅酒俾我o地，我o地當然即場開黎飲啦！
仲有就係表姐送o既玫瑰酒！
個個阿姨都恭喜我同豬豬做o左業主，好替我o地開心！
因為3姨o係呢度做，所以所有開瓶費都唔使收！
o的餸當然大碟好多啦，因為識人o麻，只係俾standard價錢，有加大碼餸！
埋單仲有我o既員工85折，所以抵o左勁多！
14人都只係食o左千二，當然係我同豬豬俾啦！
o的阿姨話夾返，我話唔使，當我同豬豬請o的阿姨食飯啦！
之後o的老人家就去新屋度打牌，而我o地o的後生就去o左觀塘唱k！
叫o左兩支芝華士，因為順道補祝表姐尋日生日！
因為表姐生日，仲有支香檳送添！
表姐同未來表姐夫都話豬豬唱歌好似許志安呢！
當然啦，我老公喎，係有返咁上下嫁o麻！
飲到2點零表姐同未來表姐夫就走先喇，因為表姐開始頂唔順lu！
而B表弟同阿妹玩到3點幾就訓晒覺，因為B表弟俾表姐搞到飲o左幾多o下，貓o左！
之後豬豬同我就繼續唱歌同埋同倫表弟傾o下計，飲o下酒咁！
玩到6點就走人lu！
將未叫o既o野轉返蒸餾水拎走，都拎o左成8支走！
今餐我同表姐包辦，表姐出o左1千，我同豬豬包底！
當我o地請佢o地o的細o既玩返晚啦！
唔知，下次我o地o的老表會幾時再約出黎呢？！
自從大家出黎做o野之後，真係好耐無咁開心一齊玩喇！
今日入伙o既節目真係好豐富呢！
真係入伙大吉呢，哈！今日真係辛苦豬豬喇，雖然今日豬豬放假，但同平時起身時間無分別！
因為約o左搬屋公司8點半黎搬o野呢！
但o個時房o既電視同電腦都未拆！
豬豬就叫我返工先，叫我唔好阻住佢喎！
總共有6條大漢黎搬屋，由8點半玩到10點就開始出車過新居喇！
搬晒過去，再裝埋媽媽張床，咁就玩到11點半喇！
之後豬豬再擺好o的位，因為仲要等今日下晝剩返o既傢俬送黎！
直銷中心都好準時，但只係得1條友要裝晒我o地o個4件傢俬，所以由2點半玩到成6點先搞掂！
而我因為下星期一、二放假，要做埋o的手尾先，所以要成7點先放工！
放工就搭215X返新屋，而豬豬同媽媽就落樓下間茶餐廳等我！
以後放工我都唔使行咁遠去地鐵站喇，但若要陪豬豬就無計啦！
215X好搭好多，又唔使行咁遠，又快喎，最重要係有位坐o麻！
返到去所有傢俬齊晒，而且仲有好多箱o野添！
唉……….見到咁，都唔知要執到幾時？！
我諗1個月點都得執到七七八八掛！
雖然宜家新居好亂，但好開心，因為聽日就正式入伙lu！今日蔡師傅終於都得閒上新屋執埋o的手尾！
我o地尋日已經寫o左要執漏o既o野o係枱面等佢搞，總共有15樣minor o野要執！
今朝蔡師傅上到去睇到張紙，就打俾我喇！
佢話因為今日工具唔齊，所以今日整住部份先，聽朝再上黎幫我攪埋剩返o個o的！
佢仲問我點解我o地張床咁高喎，仲話我呢隻係唔知咩木黎！
咁我話隻木咁係唔係即係唔好呀？！
蔡師傅話"你兩公婆唔係太博命都無問題o既！"
哈，估唔到佢會咁答我，真係為老不尊！
我話俾豬豬知佢都不知幾好笑！
6點零HKBN打俾我，話今日有師傅過新屋裝線！
我話唔得，因為屋企無人呢，因為未入伙！
所以都係唔知今個星期六約唔約到黎裝呢！
今日無過新屋，因為要最後衝刺pack o野呢！
今晚又唔知幾點有得訓lu！
好彩今日下晝入o左大埔開會，所以先無咁累咋！
由3點玩到差唔多成5點半先走，所以無返公司就直接返o左屋企lu！
呢幾日其實有影到相，但因為o的o野pack晒箱，所以load唔到落部電腦度！
等我過新屋settle down晒，我就會share我同豬豬一手一腳設計o既安樂窩嫁喇！
今日好早起o左身，因為約o左12點開始收傢俬！
11點幾出門口，12點過到藍田！
我今日由舊屋拎o左部吸塵機過新屋，因為下下係咁掃同抺都唔係辨法！
今日呢袋無尋日三袋加埋咁重呢，所以拎得好輕鬆！
上到去第一時間去抺廳個C字柜！
宜家o的玻璃好乾淨喇！
開始抺無耐，吉之島個鞋柜就送黎喇！
送走個師傅之後就再開始抺柜！
抺晒右手面o的玻璃，煤氣公司就有人上黎裝爐同開煤氣喇！
但因為下晝洗水箱，所以下晝試唔到兩個煤氣爐work唔work！
佢仲爭o的唔俾張美心中菜二人餐卷我添呀，好彩我記得咋！
收晒兩樣o野，抺晒C字柜o的玻璃，都成3點幾lu！
之後hea到4點，就落街去搵HKBN喇！
我join o左bb100個plan，不過因為有special優惠for呢度，所以無禮品送！
平均一個月$199，有bb100、收費電視同電話線！
不過電盈o個邊合約未到，所以遲o的先轉電話線！
約o左星期六下晝裝，但未知有無期，要再等佢覆呢！
順利o既只係無得上網1日，唔係都唔知有幾多日無得上網lu！
返上樓前去o左百佳買o野飲，因為聽日唔過黎，所以買定o野飲俾豬豬星期五搬屋飲！
之後就開始吸塵喇，好彩拎o左過黎，唔係實抺死我！
等到差唔多5點半，床褥先打黎話宜家黎緊，要過多30分鐘！
終於都收埋我o地張床褥喇，擺落張訂造床真係好fit喎，哈！
7點幾豬豬就放工過到黎，我o地先落樓下大滿貫食dinner！
因為仲要等張梳化o麻！
食完8點半返上樓，再搬好o的已經拎o左過去o既o野o的位，因為要準備定星期五一次過入晒所有pack好o既o野o麻！
等到10點3，梳化終於送黎喇！
個位真係fit到無論嫁！
但若嫌顏色好似深o左o的咁，但豬豬話梳化就係要深色先襟喎！
收埋張梳化，今日任務終於都完成喇，可以返屋企lu！
返到去11點，抖o左一陣就再開始執o野！
今日pack多2箱同2個紅白藍袋！
執到1點半真係頂唔順要訓喇，因為聽日仲要返工呢！
總括呢兩日真係辛苦過返工，我宜家左手手臂同左腳大腿後側好酸痛呢！
不過豬豬話我辛苦完到佢，黎緊呢兩日佢就仲辛苦喇！
好期待星期五放工返新屋，見到剩返o的傢俬(衣柜、書枱、廳組合柜同廳另一個C字柜)送黎整體家o既感覺呢！由於忙新屋o既o野，原本target今個月要搞o既成長片段、印帖、再試妝同傾場地佈置都無搞過！
不過下個月我一定會去搞嫁喇，因為時間無多lu！
日期： 2008年11月23日
酒席地點： 德福美心皇宮 5時恭候 8時入席
註冊地點： 2in1 佳偶天成 3:30 p.m.註冊儀式開始
(9-10月到律師樓簽同意書)
婚紗相： 1. 珠海現代經典
2. 以馬內利 (仲係爭1張水晶畫未拎，搬完會去拎埋)
3. 法國 (8月有得拎)
婚禮攝錄： Picasso Wedding (2p+1v) (8月整成長片段+夾Rundown)
化妝： Decor Square – Ashlee (全日) (8月再試妝)
會場佈置： Decor Square – Loretta (約Loretta 8月傾)
餅咭： 美心 (310張) + 奇華 (32張)
紅酒： Decor Square – 智利 + 澳洲紅酒 (60支)
烈酒： Whiskey (10支)
甜洒： 南非非洲豹甜酒 (8支)
小禮物： 總之就係好o野啦！
婚紗晚裝： 盈集坊 (1拖尾wg + 3 eg) (8月尾final confirm衫款)
新郎禮服： 君悅禮服軒 – 1黑1白 (10月頭試身)
裙褂馬褂： 錦發 (1千禧中五福頭褂 + 1馬褂) (10月頭試身)
晚裝鞋： 金色3吋高踭鞋
花車： 棗紅色賓利 + 28座Van (已加多1個鐘，9-10月再confirm用車時間)
結婚戒指： PN + 點睛品?! (已取PN，點睛品要等新屋裝修好先去買)
請帖： 心印 (7-8月去confirm內容)
觀禮咭： 埋首中 (有兩位姐妹已認頭負責)
婚禮雜項： 廣州購買 (已辦妥)
花球： 2個絲花球 (伴娘幫我諗)
姐妹衫： 傾城婚禮 (伴娘長裙+其他短裙，共有三個姐妹去o左揀衫)
車頭公仔： 中式牛奶妹+牛奶仔
Girdle： 私人胸間 (8月底前confirm使唔使修改)
婚前檢查： 婚後才做
過大禮： 2008年9月13日 時間：0900-1100(8月底-9月初預備)
上頭時間： 2008年11月22日 女：11:00-12:00 男：11:00-12:00
Rundown： 已draft好，有待豬豬最後審核 (最遲10月尾final)
Table Menu： 未開始諗點設計 (有兩位姐妹已認頭負責)
宴客名單： 女家已齊，欠男家 (9-10月confirm最後名單)
成長片段： 歌已揀好，未執好o的相 (8月去Picasso搞埋佢)
婚宴歌曲： 已有一大堆，但未confirm (9-10月final decision)
結婚蛋糕： 酒樓送8磅蛋糕 (10-11月初confirm 款式)
菜單： 未定 (伍生已答應9-10月幫我寫，我只要俾budget就得)
換新銀紙： 多少未定 (已唱o左一半，其餘8月去唱錢)
居住事宜： 藍田 (鐵定7月26日入伙)
美容纖體： 要開始keep fit，最想減係手臂同肚腩
兄弟姐妹開會：姐妹聚會已開始，兄弟團仲未有聲氣今日得我一個上新屋！
因為豬豬要返大陸見客同開sales meeting呢！
我12點半出門口，拎o左張新被，結婚公仔同o的抺手紙上新屋！
過到去爭2個字1點，拿拿聲拎返o的o野上樓再落管理處交管理處！
點知落到去，個職員話我今個月已經交o左，8月先要交！
之後就去買撈撈食喇，買o左10蚊，有2個麵同8個餸呢！
今次唔使同豬豬分，食得真爽，哈！
之後等到3點零，就送我o地張床連地枱同C字柜黎喇！
砌張床好快咋，唔使4個字，但個C字柜就耐lu！
因為有埋射燈同光管，所以要o的時間呢！
張黑星石餐枱同4張椅今日都送o左黎lu！
今日有貴客黎我新居，就係今日o既壽星女，我o既伴娘同伯友喇！
佢o地仲買o左盒奇華曲奇餅俾我做見面禮添，哈！
佢o地都陪我陪o左成個鐘先走呀！
阿伯友仲話個廚房好大，好鐘意添！
等壽星女走o左之後，同埋砌好晒o的傢俬後，就開始清潔lu！
真係抺死我喇，都仲未抺晒，聽日再努力過！
不過聽日要記得帶拖鞋同短褲先得！
聽日就會送床褥、鞋柜、梳化同煤氣爐黎！
今晚豬豬都會打俾蔡師傅，叫佢上黎執埋o的minor o野，因為我o地星期五就會換鎖o麻！
其實都有幾多minor o野，唔知蔡師傅1日搞唔搞得晒呢！
今晚豬豬由大陸返落黎都過o左新屋，仲買埋包炭添！
因為今日開始要用黎吸o的傢俬味lu！
夜o的又要開始pack o野大行動喇，真係累死呢！(唔係我，係豬豬呢！)今日豬豬下晝上o左新屋！
仲撞到蔡師傅添！
佢帶o左人去參觀我o地間屋！哈！
不過無問過我就帶人上去好似唔係咁好囉！
不過算，見有人讚就由佢啦！
今個星期入晒傢俬就會換鎖匙嫁喇！
所以豬豬都叫o左蔡師傅呢個week內好搞掂晒o的手尾！
今日個窗簾蓋都執埋手尾lu，豬豬話唔錯喎！
聽日上去睇o下先得！
今日放工o係公司拎o左4個紙箱返屋企！
o的紙箱真係好鬼重，由星光行拎到去地鐵站，拎到我隻手好痛！
不過都好，豬豬過黎尖沙咀接我，唔係我實倒瀉籮蟹o姐！
不過都仲未夠紙箱，好彩有個好好人o既blog友肯再拎俾我咋！
聽日約o左下晝裝廳個C字柜同我o地張床，仲有送餐枱！
後日就送床褥、鞋柜！
真係仲辛苦過返工，返工都無咁辛苦呢！
不過辛苦埋呢個星期，下個星期就只係un-pack o的箱咋！
頂埋呢個星期就會有個好靚o既安樂窩喇，哈！
陣間又要開始我o地o既pack箱大行動喇，希望今晚3點前有得訓啦！
今日好累！
本來諗住今朝過新屋，但諗諗o下都係唔過！
因為要執o野，再唔執到時都唔知點搬！
個廚房先厲害，我同豬豬執o左1個90公升垃圾袋o既垃圾出黎！
都唔明點解媽媽會收埋咁多無用o既o野！
我o地間房已經清o左8成喇，仲pack好晒箱添！
其實我同豬豬唔係好多o野，係媽媽o既o野多！
咩都話唔捨得掉，我話你搬到過去間屋唔係大好多嫁咋，搬到過去你又想好似宜家咁呀，成間貨倉咁！
之後即時俾我掉晒o的o野！
今日下晝3姨落場上黎我home，佢幫我清o左佢要o既3袋o野拎走！
之後夜晚再等媽媽訓o左覺，我同豬豬再pack過！
總共pack o左兩大個紙箱！
其實掉o既o野仲多過要o既o野，淨係掉o野都執o左3個90公升垃圾袋！
真係好怕間屋咁多o野，仲要係無用o既o野！
我已經同媽媽約法三章，搬o左新屋唔好再儲膠袋，唔好再儲玻璃樽，唔好將o的o野周圍放！
新屋整咁多柜都係for媽媽擺o野，唔想好似宜家咁整到成個廳都係！
希望媽媽搬到過去真係聽聽話話啦！
聽晚開始都仲要繼續努力再執，好彩星期二同三放假，可以有多o的時間pack好要搬o既o野！
真係擺命！今日長週，俾媽媽捉o左幫佢整urgent o野，搞到2點半先放工！
放工就即刻搭巴士過新屋喇！
豬豬同媽媽o係我未放工時已經今日夾手夾腳搬o左1個細喼，2幅油畫同1個裝住兩本婚紗相簿o既喼過新屋！
去到未來奶奶送o既窗簾已經送o左黎，仲裝好添！
以下係奶奶幫我o地揀o既窗簾：
我同豬豬房：
媽媽房：
廳：
入門口窗：
真係好鐘意奶奶揀俾我o地房o既窗簾，奶奶話特登揀馬騮俾豬豬嫁！真係好Q呢！
之前無影過條開著燈o既燈糟，宜家補返：
仲有就係玄關位地下o既地磚：
早兩日先裝好o既廚房門：
全屋所有電制都由強表哥幫我o地換o既Clipsal電制：
呢度係走廊門，有o左佢，以後媽媽佢o地夜晚打俾就唔會嘈到我o地喇！
夜晚強表哥放工，o係屋企特登開車出黎幫我o地搬住部份o野過新屋！
而阿妹放工亦都過埋黎幫手！
今晚總共搬o左：1個中喼，1個大喼，1袋結婚用品紅白藍，1個嫁裝紅喼，1件婚紗，1袋龍鳳被，2幅今朝搬剩o既油畫，2箱我o地房o既o野，1大袋公仔，1把風扇！
真係唔搬都唔知完來我o地係咁多o野！
我o地好快就搞掂晒lu，不過搞掂都成11點lu！
之後出o左九龍城食飯，我o地去o左食泰國菜！
食到12點9，強表哥就車我o地返屋企，再接埋o岩o岩放工o既3姨就各自返屋企lu！
真係好多謝我有個咁好o既表哥呢，無條件咁幫我o地！
聽日我o地都要上新屋，因為蔡師傅話聽朝會整埋個窗簾蓋o既手尾，同埋要再睇o下有無要再執，就順便一次過執埋佢！
仲有唔夠1個星期就入伙喇，希望一切順利啦！今日豬豬打俾蔡師傅，講o下個窗簾蓋底o既o野！
只要佢再執埋呢度，咁就叫大功告成喇！
師傅話要下個星期一先幫到我o地搞喎！
聽朝豬豬約o左未來奶奶朝早上去裝窗簾，順便先搬住o的pack好行李過去，全部都係結婚用o既o野！
我o地會每日拎少少，希望到25號搬時唔使一次過搬咁多！
聽朝豬豬會一早上新屋，因為要試o下個企缸會唔會漏水！
方法係強表哥教我o地o既，要聽朝先知結果！
若果有漏水就要師傅再重新整過嫁喇，希望無事啦！
而好blog友今日亦都拎o左o的紙箱俾我，真係唔知點多謝佢呢！
有o左紙箱，我o地就可以全力pack o野喇！
睇黎今個星期六日都係執屋日嫁喇！
但點都會抽少少時間出去印帖先o既！
因為9月就要過大禮，過完大禮就要派帖！
宜家去印都差唔多，預計對稿1星期，印2星期，咁都要8月中先有得拎！
仲要寫人名同入封，我諗都差唔多啦！
真係好唔得閒呢！
好彩下星期有假放o姐，唔係實又再黎病過！今日下晝約o左商號入大埔！
因為要present黎緊o既project俾opps！
我，媽媽，契女麻，Sandy 一齊搭的士入大埔！
我o地用o左9個字時間去傾！
終於都有o的眉目喇！
應該可以好快可以決定到個design，咁就唔使擔心到時起唔到貨喇！
之後我同媽媽走先！
點知媽媽話想去飲杯o野喎！
我o地就去o左MX食下午茶，係媽媽請o既！
今日搭車同媽媽傾o左好多計，好舒服！
雖然係4點由大埔廠走，但我o地成5點9先返到公司喎，哈！
今日總括係無咩點做過o野嫁！
不過今日行路嚴重過尋日，一拐一拐咁！
佢o地都叫我唔好入大埔，但點都叫係自己跟o既project，都係跟埋入去好o的！
雖然隻腳痛，但好開心呢！今日終於都送埋廚房門黎喇！
但中間發生o左小插曲，詳情唔多講喇，但豬豬已經俾人激興o左！
搞到豬豬o係公司大大聲隔住電話黎鬧送貨o個個人添！
蔡師傅同豬豬報告今日亦都裝埋度廚房門喇！
即係話佢已經搞掂晒我o地俾佢o地job！
不過要星期六上去先可以最後確認仲有無o野要執！
而米爺亦都已經幫我安排o左今日清潔lu，係師傅話俾豬豬知，豬豬再話俾我知o既！
下晝見到米爺，佢話聽日俾返條key我喎！
我話我知丫，你o的fd今日上o左去清潔丫o麻！
米爺話你又知？！
我話我有線報嫁o麻，哈！
連清潔都搞掂埋，真係好，唔使自己動手！
呢班同事對我真係好好呢！
星期六約埋未來奶奶上去裝窗簾，咁就可以叫做大功告成喇！
進度完全係我o地target 呀！
