6日5夜QE開刀之旅 – Day 5 @20110531

由於尋晚知道大小B有G6PD，所以成晚無覺好訓！

臨訓前打俾老公，仲有少少忍唔到喊！

之後再打俾林太傾O左陣！

當然又係喊O左出黎啦！

好辛苦先可以訓得著！

但訓著O左6點半就起O左身！

跟住7點開始餵返阿囝喇！

阿囝好好胃口呀！

係咁起勢食人奶呢！

仲好似食極都唔夠咁添！

老公8點幾出到黎，O係醫院CANTEEN食埋早餐就上黎等醫生喇！

老公由9點等到10點半！

兒科醫生終於睇完所有症，有時間同我同老公見O下面！

老公問醫生要注意O的咩！

醫生都講O左個情況係點！

最搞笑係老公問醫生點解阿囡都會有！(因為老公本身無O麻)

咁醫生就答”呢個係基因突變，所以阿囡都有！”

真係唔知好嬲定好笑囉個答案！

不過ANYWAY，問O左醫生O既專業意見之後，個心定O左好多！

今日阿囡個指數開始有少少退，但依然未達標，未可以出院住！

而阿囝指數OK，醫生俾佢出院！

而我就隨時都可以出院！

但因為我想等埋阿囡睇O下聽日點先，所以決定留院！

老公見完兒科醫生後，我同老公O係出面傾O左成個鐘！

之後老公就返屋企先喇！

因為老公尋日特登去買O左部空氣清新機！

係專係FOR大小B用嫁！

而老公亦都約O左康加慧O既醫師黎醫院同我第二次問診！

醫師同老公好準時4點鬆O的就黎到醫院喇！

當時我仲擠緊人奶，諗住5點餵俾阿囡飲呢！

醫師話佢都做過好多G6PD O既症！

唔只係BB有，係媽咪本身有，所以叫我放心，佢O地O既補身餐單同湯水絕對O岩我！

佢知我O地好緊張，因為我會餵人奶O麻！

咁我食咩大小B就食咩，咁有禁品O既藥材都唔可以有呢！

我都對醫師有信心，佢開O既餐單同湯水一定會O岩我補身用！

見完醫師後都差唔多夠5點LU！

老公亦都夠鐘入黎見O下大小B LU！

今日好姐妹同老公姑姐過O左黎探我！

老公仲俾好姐妹抱大小B添！

老公話只係信得過好姐妹俾佢抱咋！(因為好姐妹有個1歲大O既仔仔呢！)

相信佢都會係熟手，唔會整到大小B呢！

好姐妹話阿囝成個老公餅印咁！

而阿囡就有少少似我！

今日心情好返好多喇！

老公走O左之後我去O左泵奶！

但中間打俾老公，打O左十幾次都唔聽！

老公平時唔會唔聽電話，就算講緊電話都唔會唔接！

我打O左成個鐘都搵唔到老公！

當時我情緒已經有少少失控喇！

跟住我打俾林太同佢傾！

我一路O係度喊！

林太就繼續同我傾，叫林生幫我打俾老公！

同林太都傾O左成半個鐘！

其間我真係好似成個人崩潰咁，好擔心老公唔知有咩事！

好彩傾傾O下老公打返俾我喇！

原來老公個電話壞O左！

又唔响，又唔震！

到老公有意識我點解咁耐都唔打俾佢時，佢拎個電話出黎望先知我打過咁多次俾佢！

聽到老公個電話個心當堂定O左好多、好多！

呢兩日發生O既事太過突然喇！

其實真係擔心自己有產後抑鬱呢！

不過我知應該唔係，只係發生O左O的唔係預期之中O既事O姐！

好多謝各方好友O既支持！

最重要當然係老公O既安慰同支持啦！

6日5夜QE開刀之旅 – Day 4 @20110530

今日O既心情簡直係過山車！

係先甜後苦，仲要搞到我喊到豬頭咁添！

尋晚可以訓到8個鐘，今日當堂成個人精神晒！

之後有個女仔埋黎話港大做訪問！

係關於流感對孕婦O既影響同睇法！

咁我見又不記名，填O下無咩所謂啦！

下晝仲去O左學幫BB按摩添！

今次我帶O左阿囡去！

但阿囡掛住訓覺，所以幫唔到佢按摩添！

學完按摩，4點半出黎就接到個壞消息！

姑娘埋黎同我講大小B同時都有G6PD！

男仔中O既比例係100個有3-5個，女仔係就1000個有3-5個！

我同老公都無G6PD，真係唔明點解大小B同時都會有！

最解釋唔到係點解阿囡都有，因為要兩組X都帶先會中O麻！

姑娘俾O左O的小冊子、光碟同埋綠咭俾我！

話以後去邊都要帶住張綠咭！

萬一有咩事去求診都可以俾到醫生知大小B有G6PD！

知道O左之後真係喊到我死咁濟！

問自己點解佢O地兩個點解會咁！

對G6PD又唔太熟識，好怕大小B會有O的咩事！

好彩就黎夠鐘探病，老公亦都準時5點黎到！

老公黎到我即時大喊！

好彩有老公O係度安慰我！(但我都知老公都有好擔心！)

呢個病話係遺傳嫁喎，即係話我係隱性！

咁O岩大小B都中O左我對有問題O既X呢！

其實諗深又唔係咩大病黎O既，只係有O的O野唔食得！

食O左嚴重會影響生命！

即係代表住照顧佢O地會更加辛苦同更加要小心！

隨之而黎O既係擔心粗心大意O既媽咪！

好怕佢俾O左O的禁品俾大小B食！

老公聽朝會黎見醫生，問多O的資料！

助產仕話大小B最少應該要住大約7日，每日CHECK住黃胆指數！

等黃胆高峰過晒，確保無問題先可以出院！

其實大小B O係醫院仲放心，因為有醫生同姑娘睇住！

定時CHECK住黃胆指數！

探病期過O左之後，有兩個姑娘過黎安慰我！

其實有G6PD O既人係同一般人無分別！

正如老公話齋，宜家即係食物敏感O姐，只不過係食O左會嚴重少少O姐！

阿囡O既指數高過阿囝，今晚抽O左血！

如果高就要上兒科照燈！

照燈反而仲好，起碼MAKE SURE黃胆指數不會高到影響健康！

到O左10點半，姑娘通知阿囡無事，唔使上去照燈！

成晚我個人好累，但係訓唔到！

由於呢件事影響心情，所以今晚無餵到人奶！

而大小B亦都由姑娘照顧！

其實我明白呢個缺乏症係好少事，但身為大小B O既MaMaMe，知道O個一刻真係會好心痛！

又會好擔心佢O地呢！

我宜家只係望大小B O既黃胆指數唔好升，因為有G6PD O既BB生理性黃胆係會持續耐O的同慢O的先退！

大小B，你O地要健健康康成長呀！

唔好嚇BaBaBe同MaMaMe呀！

6日5夜QE開刀之旅 – Day 3 @20110529

今朝醫生巡房！

話阿囝有O的面黃！

又問我係咩血型，老公係咩血型！

原來BB血型同媽咪唔同都係其中一個因素令到BB快面黃！

所以阿囝要去抽血驗黃胆指數！

今朝11點去O左上母乳講座！

係抱埋自己BB一齊去上堂嫁！

我就揀O左阿囝陪我一齊去上堂喇！

學識O左點擠奶！

跟住返埋位試，真係WORK嫁喎！

下晝3點又去上沖涼堂！

對於沖涼，我真係無咩信心！

呢個重任都係留返俾老公做喇！

今晚老公老細同佢老婆、林生同林太，仲有我公司媽媽黎O左探我！

佢O地都話我面色都好好呢！

探病時間過O左，又到餵奶時間！

到O左11點O個轉，個助理好好人，主動叫我休息！

佢幫我餵大小B呢！

所以我成晚唔使自己照顧大小B！

可以訓覺好呢！

6日5夜QE開刀之旅 – Day 2 @20110528

半夜1點打完止痛針，終於可以訓到幾個鐘喇！

唔知係咪生理反應呢？！

訓到半夜係咁出汗！

係成身都出晒汗喎！

到O左朝早7點，就俾姑娘叫醒探熱、量血壓！

到O左8點派早餐喇！

但我只可以食粥水呢！(好過咩都無得食啦！)

跟住9點醫生黎巡房喇！

同我睇O下個傷口！

跟住話我可以食返正餐喇！

醫生巡完房，O的助理就抱大小B俾我試餵人奶喇！

由於我新手，加上有傷口O係身，所以每次到O左餵奶時間只係俾阿囝或阿囡我自己餵咋！

另外一個就O的姑娘幫我餵！

LUNCH前拆O左鹽水喉同針斗喇！

個針斗整到我好痛呢！

4點都拆埋尿喉喇！

今晚除O左媽咪同老公黎探我同大小B之外，仲有奶奶放O左工都黎見O左對孫！

有媽咪煲O既木瓜魚湯同埋炒米茶，我覺得好似上上O地奶呢！

唔知醫生幾時會俾我同大小B出院呢！

6日5夜QE開刀之旅 – Day 1 @20110527

4月尾O個時已經BOOK好今日開刀！

今朝7點半，老公同媽咪陪我一齊入院！

準時8點半去到急症室登記，之後就上A2病房喇！

入到去，先係去磅重！

由於開刀，所以要剃O左妹妹少少毛！

跟住就係等喇！

等到12點倒，助產仕過黎同我講話12點半幫我插尿喉，叫我換手術袍！

助產仕話我係下晝第一個CASE，大約1點半入手術室！

跟住打俾老公，話俾佢知個大約時間！

本來可以入去陪產，但因為我係TWINS，手術室要多O的人手，所以老公唔可以入去！

1點半就過床喇！

原來一路向上望住，真係有O的緊張O既感覺嫁！

O係入去D2手術室前，老公已經坐O左O係度等我！

見到老公都無咁驚，真係最衰老公唔可以入去啦！

入O左D2，跟住搭LIFT上D4！

上到去對名同講一次今次係做咩手術！

跟住我就被推入11號手術室喇！

入到去個心真係寒一寒嫁！

真係好似睇戲O個O的咁，只係望到上面有兩大盞手術燈！

過完床後就準備做半身麻醉喇！

半身麻醉係要好似屈到好似蝦米咁，跟住打落去背脊度！

打完好快對腳已經痺痺地！

跟住姑娘幫我用冰試反應，確保無O左感覺就開始做手術喇！

今次開刀係由兩個醫生同時處理！

其中一個係我次次去QE B3度覆診O既女醫生！

開始O左無耐之後，感覺到醫生用力O係我肚度推O左幾下！

跟住就聽到有BB喊聲喇！

姑娘亦都跟手講話係1時52分！

見到姑娘即時拎O左阿囝去沖身！

而醫生再繼續拎埋阿囡！

姑娘報時係1時53分！

但阿囡比較遲喊，喊聲亦都無阿哥咁大聲！

拎完晒大小B出黎之後，醫生跟住處理埋我O的胎盤同聯針喇！

姑娘亦都一先一後咁拎大小B埋黎俾我睇O下！

對手扼同腳扼，叫我自己講一次呢個係男仔定女仔！

當姑娘抱阿囡過黎俾我確認身份時，仲將佢咀仔錫我埋面添！

大B重2.67KG，小B重2.37KG！

由於小B體重唔夠2.5KG，所以要兒科醫生跟進！

聯好晒針之後，就被推入去觀察病房喇！

而姑娘亦都話幫我打俾老公話佢知我已經生O左！

抖O左陣，大約3點9倒就推入去E2產後病房喇！

今日亦都唔食得O野，只可以吊鹽水/糖水！

同時亦都吊O左收子宮藥水！

4點倒過好晒床，姑娘就俾老公入黎見我喇！

本來話只係可以探10分鐘！

但姑娘太過唔得閒喇，所以老公坐到5點！

而5-8係探病時間呢！

所以又可以對多老公耐O的喇，哈！

但大小B入O左保溫箱，所以要差唔多6點先推入黎俾老公見呢！

見到大小B O個一刻真係好開心同感動！

陀O左37W3D，終於都見到大小B喇！

大B成個BaBaBe細個餅印咁！

而小B除O左個咀唔似我之外，都有少少似我細個O既！

小B個口似BaBaBe呢，一樣咁大！

姑娘幫我O地影相，張相係醫院送O既！

大小B 每人一張！

到O左8點，老公好不情願咁走喇！

BaBaBe要聽日先可以見到大小B喇！

O的麻醉藥大約8點就過晒喇！

隨之而黎O既係傷口痛！

痛到半夜12點，我真係頂唔順要打止痛針喇！

打完真係無咁痛，終於可以訓到喇！

而大小B就俾姑娘湊住先，等我聽日拆晒喉先自己照顧大小B！

大小B，你O地終於出黎見MaMaMe同BaBaBe喇！

MaMaMe同BaBaBe真係好開心呢！

餵母乳用品 -- Boots奶袋

呢個又係JOIN埋6月媽媽團購O既！

今次要多謝Emily 托人O係泰國訂返黎！

其實O係香港買我唔太清楚幾多錢！

但呢兩盒連埋運費只係買O左$100！

1盒有40個！

遲O的去Body Shop睇O下先！

其他牌子好似好貴咁！

所以就買BOOTS呢隻黎試O下喇！

呢O的奶袋係用黎裝泵O左出黎O既奶嫁！

雖然唔知呢兩盒可以用幾耐！

但準備O左好過到時要儲奶無得用呢！

大小B用品-- 小米米

早前6月媽媽搞淘寶團購！

係訂小米米O既O野呢！

今次真係好多謝呢次團購搞手Carmen呢！

又要幫我O地GATHER資料，又要計數！

到貨之後仲要幫我O地分埋貨添！

真係無言感激呢！

其實已經到O左貨好耐嫁喇！

但因為4月O個時作早產，所以不便週圍去！

之後自己又無O左件事喎！

今日老公去荃灣見客，之後幫我出其中一個6月媽媽旺角間舖頭拎O左喇！

是次我買O左：

1. 小米米亞麻草竹碳床席/童床席/嬰兒涼席/寶寶涼席 X 2

2. 小米米 典雅提花被 110x90 X 2

3. 小米米大號防水可洗尿墊 嬰兒隔尿墊/寶寶隔尿墊 X 2

4. 小米米全棉透氣防漏尿褲/尿布褲/嬰兒隔尿褲/尿布兜 X 2

5. 貝爾蘭 納米抗菌防漏尿褲 可調大小/環保隔尿褲/尿布兜 X 4

6. 嬰尚 尿布固定帶/尿布帶/尿褲綁帶 配合尿片尿布使用 X 2

連運費港幣五百幾！

抵過O係香港買呢！

張床席同隔尿墊聽日整大小B張床時就可以用喇！

張被仔就要洗O左先等遲O的帶大小B出街用！

O的尿布褲就等遲少少先用！

因為之前買O左好多NB O既尿片呢！

大肚相Show Time@FACE (紗TOP+紗裙)

4月9日，30W4D！