尋晚叫做好訓少少!
但都係訓個零鐘就醒一醒!
今朝姑娘早O左量血壓、探熱同聽大小B心跳!
因為有電話用,所以叫到老公起身!
原來老公尋日唔知醒起身!
搞到早餐都只係食個麵包咋!
真陰公,心痛到我丫!
跟住醫生黎巡房!
醫生問我有無再痛,我話無喇!(其實仲有少少!)
但只係恥骨位,唔係子宮位!
跟住問醫生可唔可以出院!
醫生就話睇埋下晝無再痛就可以出院喇!
仲寫多2日病假俾我!
即係下個星期一先返工!
跟住本來21號去覆診改O左28號先返去!
真係開心,可以返屋企喇!
但對面床又係陀龍鳳胎O既媽咪因為有妊娠高血壓(即係妊娠毒血)!
佢已經入O左黎成個星期,宜家35週!
但大醫生唔俾放假返屋企!
話咁樣會好危險!
如果宜家堅持要返就37週先安排再返黎開刀!
但呢段期間有咩事醫院唔負責呢!
跟住呢位媽咪聽完唔出得院就喊喇!
因為佢仲有個2歲大O既女女呢!
日日都只係可以見3個鐘倒!
我係佢都會喊啦!
姑娘話叫我等老公放工過黎接我先走!
老公今日6點就黎到LU!
跟住我食埋醫院O既晚餐先走!
之後就陪老公返屋企附近食DINNER喇!
今日雖然見到雪糕!
但已經唔敢再食喇!
好怕大小B再有咩事!
呢2個月MaMaMe會乖乖地嫁喇!
但大小B你O地都要乖乖地,O係MaMaMe肚裡面再住多2個月先好出黎喎!
嘩, 2位BB真係要乖乖合作!
回覆刪除[版主回覆04/14/2011 20:42:00]希望大小B聽各位 EE O既話,乖乖合作啦!
好彩無事Jar, 大小b要乖乖地在媽咪肚內住耐d~~
回覆刪除[版主回覆04/15/2011 17:14:00]有咁多位姐姐支持佢O地,佢O地一定會乖乖足月先出黎!
睇左你呢3日驚魂....知道你無事就好了.....我想陀B已經辛苦....你仲要陀孖B...辛苦咪Double 囉....好偉大呢!!!
回覆刪除[版主回覆04/16/2011 20:52:00]到你做媽咪時都一樣咁偉大,宜家終於都明白點解O的人重視母親節多過父親節LU,哈!