QE產前講座 –母乳餵哺全話你知

今次係第二次去QE聽講座！

又係9點半開始！

我O地好準時去到！

但老公先去O左藥房幫我拎早兩日產檢完醫生開O既鈣片同維他命丸先！

因為技術上有O的問題，所以搞到成9點10先開始！

今次主講O既係林姑娘！

佢講得麻麻地！

先係講O左母乳有咩好，有咩作用！

跟住睇O左段片！

係上次去另一個母乳講座睇過O既！

講BB分O左兩GROUP！

一GROUP係順產，一GROUP係媽咪經藥物幫助下令BB出世！

順產O既BB會好快就好多動作，好快識去搵媽咪乳房食奶！

相反開刀/落催生藥/無痛分娩O既BB會無咁多動作，亦都比第一GROUP O既BB慢O的先開始去搵O野食！

母乳成功有4點要素！

1.      早開始餵

2.      勤力餵

3.      家人支持

4.      正確餵哺方法

宜家醫院當你生產完，姑娘清潔完BB係會擺返O係你身邊！

等你同佢有第一次肌膚接觸，同俾安全感BB！

頭O個兩日姑娘會教識你點擠奶！

因為第一二日奶量真係好少，因為未上奶！

加上BB唔係好識吸啜，所以一定會教擠奶！

到第三日上奶後就會好好多，唔需要擠奶都會有奶出！

正確O既餵母乳係BB下唇要含晒成個乳暈！

下巴會貼到實一實！

咀仔張開到好大！

如果下巴唔貼，個方法就一定係錯！

要鬆開BB再黎過！

唔係媽咪乳頭會損呢！

今次講座仲有教點樣餵奶呢！

真係俾個公仔仔試O下點抱，餵奶手勢係點！

仲俾老公話我咩都唔識添，哈！

我話咁叻你做奶媽餵大小B囉！

其實呢O的係天性！

我好相信大小B出O左世我就會自然識點抱同點餵呢！

中間仲有介紹唔同款式奶泵！

今日OVER RUN O左成大半個鐘呢！

聽完就搭車返屋企休息O下！

因為晏O的仲有下場呢！