呢3日o係產前病房見到好多o野！
第一晚半夜一入去，隔離床媽咪32週！
佢見紅入院！
朝早6點都無咩事，仲話痛少o左！
點知9點突然穿羊水，跟住打消炎針！
下晝3點子宮開o左1-2度就推o左上產房待產喇！
好多入院都係因為見紅！
聽到姑娘話見紅入院，如果3日內都唔作動就要催生！
因為驚流血過多會影響到bb同媽咪！
而羊水太濁就要urgent送上產房催生！
穿o左羊水就都要等到子宮開o左1度先會補送上產房！
姑娘話夜晚係多o的媽咪被推上產房！
因為朝早有其他O野做分散O左注意力，但夜晚無O野做所以O的痛會覺O的喎！
咁又真係嫁喎，夜晚，尤其係半夜特別多媽咪被推上產房嫁！
如果見紅又未作動，要行多O的或者去玩分娩球！
咁樣可以幫肋BB快O的入產道！
如果BB開始入產道，到時係會有急屎O既感覺，條腰仲會好痛！
有急屎感覺係因為BB個頭開始想出黎！
腰痛就因為BB壓住O的神經線所以特別腰痛！
呢幾日深深感受到順產媽咪O既辛苦！
真係會好痛！
我見到O既只係開O左1-3度都咁痛！
到開到10度O個種痛諗都諗到呢！
仲要加埋推BB出產道，唔怪之後話生仔係十級痛楚呢！
見到咁樣，亦都加強O左我開刀生O既決心！
一來怕痛，二來係怕穿O左水或者見紅會影響到大小B(尤其係小B)O既健康！
產前病房只係收24週以上O既媽咪！
24週以下O既媽咪如果有問題係入婦科病房！
宜家亦都識分點為之陣痛！
作動O既陣痛係先係肚下腹開始痛(即係三角位上面)！
跟住O的痛會向上伸延！
先會係5分鐘痛1次，跟住到1分鐘痛1次，痛得密O左同強O左！
咁就好大機會係子宮頸開始開喇！
姑娘會定時CHECK住媽咪子宮開O左未，一開O左無論幾多度，就會即時SEND上產房待產嫁喇！
今次入院，令我知道我真係要開始執走佬袋喇！
唔係到時有咩突發事真係拿手唔成世嫁！
呢排我都聽唔少媽咪話作早產, 之前仲好老定唸住走老袋唔駛咁快執, 睇嚟都要執定穩陣
回覆刪除孖b容易早產，真係要執定走佬袋呀!
回覆刪除[版主回覆04/14/2011 20:43:00]知道，今個星期會開始執LU！
孖b真係要小心D! 我都希望我小B可以足月先出黎啦!!! 我而家都唔係好敢食生冷野喇 (之前都仲有食雪糕)!!! 大家一齊加油啦!!!
回覆刪除[版主回覆04/15/2011 10:09:00]無錯，一齊加油呀！
我就係一食生冷O野就出事，可能我體質唔好，所以一食就咁！我唔敢再食雪糕、糖水同所有涼O既O野！諗住去睇中醫清胎毒算喇，唔敢亂黎！
我改O左覆診時間，要28號先去呀，到時先可以影個講座個期俾你，希望你唔好介意啦！
hi, 我都係６月孖Ｂ媽媽，上之又係子宮痛入院住了一晚，都覺得住左一日後對醫院產後病房有Ｄ認識都好Ｄ。 見到你咁講，我都要開始執走老袋了。 我一心都唸住開刀架啦。你呢，考慮成點
回覆刪除[版主回覆04/15/2011 11:39:00]我認得你O係BK個NICKNAME，你O個對係孖仔黎！
係呀，因為醫生都係咁講，叫我有心理準備！早O的準備好O的，唔使拿手唔成世！
無記錯你係咪O係聯合生呀？我本來都諗聯合定QE，最後揀O左QE左！(我住藍田)
我決定開刀喇！聽完醫生講風險，因為如果小B有咩事，我同老公成世都會唔安樂呢！都係開刀對大小B安全好多！最緊要係佢O地平平安安出世，我O地復完慢O的都無所謂！
係呀，我係BK的Sbaby ，有孖仔的那位呀，你就好啦，QE咁快同你傾開刀風險，聯合起碼要成34週先傾呀。不過我對Ｂ一早己掉了頭，現在向下。姑娘話聯合會有得選開刀／順產。我明天30週了。我地孖Ｂ媽，政府follow 得好好。我現在２週產檢一次，好耐都無去私家lu. 你預產好似早我孖Ｂ一Ｄ，你定了邊日／幾週開刀未呀。
回覆刪除[版主回覆04/15/2011 13:35:00]仲未定，本來下個星期四(32W)覆診時約邊日開刀，因為今個WEEK入O左院，所以延O左期到28號個星期四先再覆診，到時先再約日子！
上次醫生話應該係37至38周就會開刀！
我都好耐無去私家LU，因為政府次次都有得照超聲波(我都係2 WEEK覆診一次！)，無謂SIGN錢，留返俾大小B用好過呢！
我感覺上如果孖b的話, 開刀應該會安全d.
回覆刪除[版主回覆04/15/2011 17:16:00]都可以咁講O既，點解我揀開刀係驚小B O係裡面焗親同埋小B個頭都仲未轉，而大B就轉O左！
到時醫生又話生完大B要O係10分鐘內生埋小B，如果唔得就要再開刀！咁如期係咁，不如一次過開刀，起碼對小B會公平O的呢！
我自己係27號去QE, 所以可以自己睇啦!!! 係咪係覆診個度就見到架啦? 我可以問下D姑娘啦!!! 唔該哂!
回覆刪除[版主回覆04/16/2011 20:53:00]我平時去B3覆診就係貼O左O係個BOARD度，但如果去日間中心O個邊我就唔清楚放O係邊！
你到時可以問O下O的姑娘，姑娘會話你知呢！