大小B 30 week@兒童節

今日係兒童節，亦都係大小B 30週大喇！

仲有10個星期大小B就會黎到呢個世界喇！

宜家行1個鐘條腰就開始頂唔順喇！

因為條腰會不自覺”咬”後，以平衡返前面o既重量！

一定要去搵地方坐一坐！

但又唔可以坐得耐喎！

因為個肚又會在壓落大脾位！

搞到恥骨位又會好痛！

雖然係辛苦o的，但我都要再食多o的花膠、蛋同牛！

令到大小B可以増磅！

等佢o地變得大大隻隻呢！

呢o的辛酸真係做過人媽咪先會感受到呢！

呢30個星期裡面真係好多感觸！

由舊年10月頭(4 week)發現BINGO！

到10月底(7 week)知道係大小B！

再到12月初(12 week)度頸皮！

跟住1月中(18 week)照結構，知道係阿囝同阿囡！

1月尾(20 week)開始feel到大小B 郁！

2月底(24 week)照4d，見到阿囝同阿囡個樣！

3月底(28 week)做糖水測試！

由最初26吋腰！

到宜家42吋肚圍！

由最初見到o既一粒o野！

變o左做宜家有手腳、有面孔、有感覺、有動作o既BB！

呢個感覺真係好奇妙！

深深感受到做人媽媽懷胎10月o既滋味！

呢o的真係要親身感受過先會知！

照OSCAR時驚佢o地唔pass！

到pass o左OSCAR，跟住又到結構！

又會擔心佢o地心肝皮肺腎有無事！

又好想快o的知道係仔定係女！

剩返10個星期咋！

呢幾個星期感受到大小B真係識得認聲！

當老公叫阿囡時，阿囡就會郁一郁，好似應緊BaBaBe咁！

但當老公叫阿囝時，阿囝就會唔郁，到BaBaBe放開隻手佢先會郁！

我話阿囝嬲o左佢呢！

因為老公成日都只係讚阿囡乖，又話阿囡嗲佢！

所以阿囝呷醋呢！

有一次等緊位飲茶，老公係咁搞阿囝！

阿囝好似發脾氣咁好大力打o左老公放o係我個肚上面隻手兩下！

老公仲覺得好好笑添！

查實我覺得佢o地當我個肚係玩具咁玩就真！

呢o的一切o既感覺真係好奇妙！

大小B要乖呀！

雖然MaMaMe宜家條腰同恥骨開始痛，仲有夜晚因為急所以搞到無覺好訓！

但你o地要夠期先好出黎呀！

學你o地BaBaBe話齋，你o地出o左黎就無得再食花膠嫁喇！

你o地要乖乖o係MaMaMe肚裡面住多10個星期，養到肥肥白白先出黎同BaBaBe玩呢！