星期日o個日媽咪同o左3姨同4姨返大陸！
因為3姨幫我o地o係大陸相熟店訂o左o的薑呢！
3姨話大陸o的薑靚o的喎！
所以媽咪就上o左4姨大陸間屋企訓喇！
總共訂o左30斤(大陸斤)，即係約等於20斤香港斤！
媽咪星期一同二就同4姨、3姨一齊挖薑，之後再爆薑！
跟住星期三就返黎屋企開始煲喇！
上星期已經買o左3樽10斤同2樽5斤八珍甜醋！
本來係3姨上黎幫我煲o既！
但因為3姨屋企有白事，所以唔方便上黎！
教o左4姨同媽咪點煲！
煲好晒媽咪又再出發過澳門lu！
要星期日先返！
放工返到屋企！
聞到成屋都係薑醋味呢，好香呀！
暫時煲o左4煲！
應該夠晒喇分男女家同我o地o的朋友掛！
遲o的再加埋豬腳同蛋，相信都會幾好味呢！
我媽媽以前成日幫人煲架.. 有個小小的意見.. 蛋唔好用雞蛋..轉用咸蛋係會更加好味! 好多人會覺得用咸蛋好怪.. 但其實會冇左咸味..仲會好鬆化架~ 如果唔怕可以試下一隻先睇下岩唔岩食..^^
回覆刪除[版主回覆04/23/2011 20:16:00]等我都用咸蛋試O下先，THX呀！
你一次過煲四煲呀!!! 間屋未要搵地方放晒四個大煲,你係自己買新煲? 我7月生打算5月尾先開始買薑,會唔會太遲?亞媽話叫買D泥薑會好D. 我屋企人未煲過...你遲D會唔分享個食譜出黎呀?
回覆刪除[版主回覆04/27/2011 13:36:00]係呀，一次過煲呀！其實都係擺o係廚房同張餐枱，因為仲要隔日翻煲呢！
我阿姨話千萬唔到放入雪柜喎，有水氣會冷到煲薑醋唔好食嫁！
通常o的人早一個月倒煲，因為係怕o的薑一開始會太辣，咁煲多幾次同浸得耐o的會無咁辣呢！所以你7月生，5月尾先煲都夠時間呀！o的人話煲好o既薑醋，12朝開始俾人食，如果唔辣o既話，即係代表bb會聽聽話話喎！
我其實都唔係太識，o的薑都係我阿姨叫人訂，不過聽媽咪講話呢次訂o既薑好香喎！遲o的等我自己問o下阿姨我再話你知個詳細製作過程！
咁唔該晒妳先...
回覆刪除[版主回覆04/29/2011 16:45:00]唔好客氣！