大肚相第二回@FACE

呢輯相係4月9號，30week o既時候去影！

當時隻右腳已經開始有少少微腫！

影呢輯相o既時候無去studio123影咁累！

雖然當日朝早9點半要去o左QE聽講座！

但下晝返o左屋企訓o左一陣先再出去影！

所以個樣精神o的！

我o地好準時4點去到！

Serve我o地揀相o既係Mandy！

佢見o的相我個肚好大，問我o地係囝定係囡！

我就一貫咁答”又囝又囡”！

跟住呢個妹妹仔好似發現新大陸咁o係度大叫！

之後其他sales又走埋黎襯熱鬧！

搞o左成15分鐘我o地先可以開始揀相！

一早已經同老公傾好，唔會俾錢加相！

30張都已經好足夠喇！

同預期o既一樣，今輯真係好、好、好多！

起碼今次我o地要o係121張相裡面揀30張係有難度！

今次total影o左4套衫！

除o左第一套吊帶裙影得少o的同差o的外！(可能未warm up啦！)

其他o既都好靚！

但因為budget有限，所以唔可以揀多過30張呢！

用o左個半鐘(其中有3個字係應酬o的sales！)就揀好喇！

仲揀埋邊張相做10”x10”相架添！

不過個相架要成3個月之後先有得拎！

隻碟就可以即時拎走！

阿Mandy仲叫我生完之後帶大小B過去探佢喎！

走o個時仲問我可唔可以摸o下我個肚！

跟住話想feel o下佢o地郁喎！

但阿囝同阿囡好有性格，人o地掂佢o地就唔郁呢！

跟住我o地走就郁喇！

老公話阿囝阿囡好叻，識得唔應陌生人喎，哈！

揀完相，我覺得o係呢度影多輯係無揀錯o既！

可以考慮o下第時帶大小B去FACE度影相呢！