政府第六次產檢@30W

28 Week糖水測試+產檢完，估唔到咁快又可以再見到大小B！

可能係由28Week開始每兩星期一次覆診掛！

今次BOOKING係下晝3點！

諗住早O的去可以早少少有得睇啦！

所以2點幾食完LUNCH就過去喇！

點知都係要順返次序嫁！

要睇晒2點同2點半O個O的先到3點！

我O地等到成4點先有得入去照超聲波呢！

今次有個新手醫生！

上次睇開O既姓劉女醫生帶住呢個新手醫生！

今次係新手醫生幫我照！

不過佢手勢唔係咁好，我都係鐘意劉醫生照多O的！

我覺得個新手醫生度O的大小都唔準O既！

明明爭O的先到就當算數！

搞到大小B O的數據好似唔靚咁！

但其實我O地一路睇住，佢個指針都未拉到盡，咁當然WEEK數細O左啦！

最後問埋醫生大小B各有幾多磅！

今次阿囡好聽話讓返俾阿囝食O野！

宜家阿囝追返上黎喇！

阿囝有3lb3安士，阿囡有3lb2安士！

醫生話係屬於中碼B呢！

佢O地條線真係O岩O岩好O係中間位呢！

而我呢兩個星期就重O左2磅，成65.9KG喇！

又一高峰呢！

上次O既糖水測試PASS！

但我唔記得問指數係幾多添！

等過多兩個星期再覆診再問O下先！

今日醫生仲問O左我O地有無諗住順產定開刀！

因為阿囝個頭已經向下！

醫生話下面O個個如果頭向下就可以揀順產定開刀！

如果唔係就一定要開刀！

我話怕唔夠力生第二個！

醫生就話唔使驚，子宮收縮一定可以推到小B出黎！

但要WITHIN 5-10鐘！

如果唔係對小B唔係咁好！

都會有一定風險！

等我呢兩個星期再考慮O下揀邊種分娩好先！

醫生今日仲開O左鈣片同多種維他命丸俾我呢！

可以食到生嫁喇！

又可以慳返唔使買Materna喇！

不過因為要趕住過長沙灣揀相，所以等星期六返QE聽產前講座先拎藥LU！