初生嬰兒護理及保護BB疫苗免費講座

呢個講座係3月份最後o既一個講座！

我早放o左半個鐘，5點半就走lu！

老公搭地鐡過黎同我一齊過佐敦！

老公帶o左我去沾仔記食雲吞麵！

我都係第一次黎咋！

老公就黎過好幾次！

O的雲吞真係幾大粒！

好似粒乒乓波咁大！

但因為裡面有蝦，所以我無試到呢！

我就食o左鮮牛肉河！

食飽飽老公仲去飲o左杯廿四味！

因為老公話佢喉嚨痛o左成個星期喇！

之後就過童軍中心喇！

去到每位媽咪有個號碼label！

係用黎講座最尾抽答問題用！

今次個講座係上次去會展聽o既余醫生做講者！

講o左bb護理知識！

不過唔係太深入！

原來掃風若果掃到bb係會繼續食奶！

直至佢真係飽為至！

Bb之所以食食o下訓覺係因為個胃本身細，食到咁上下就會頂住個橫格膜，令到佢o地所謂o既飯氣攻心而眼訓！

掃到風o既話bb係會訓著都會醒o既呢！

Bb o既臍帶3-7天就會甩！

但o的焦就大約2星期先會完全甩！

所以要好好護理bb o既臍帶，以免感染！

之後主要講嬰兒o既疾病居多！

後段o既疫苗part因為已經over run o左，所以唔係講o左好多！

私家offer o既13價肺炎鏈球針係可以作為補針用！

但始終政府o既10價同私家o既13價係唔同公司出，我諗緊好唔好一開始就打13價而唔打10價！

但10價係唔使錢喎，都係再諗諗先！

之後就係問答環節！

好可惜抽唔中！

獎品係一本護理書同電子探熱針！

臨完場每位媽媽有禮品送返！

係bb車用o既勾同打疫苗o既資料！

散場之後同老公去O左吳松街食栢檔去骨海南雞飯！

本來想食甜品，但經過又好似無咩好食咁喎！

所以最後都無食到！

我想食雪糕呀，但老公堅持一啖都唔俾我食呢！

老公成日都話頂多2個幾月就可以食得嫁喇，忍o下啦！

你都想大小B好嫁o麻！

咁老公一講大小B，我當然無o野好講啦！

唯有乖乖咁聽話忍o下囉！

識飲識食 – 串串貢

出門口聽講座之前問o左好姐妹天后有咩好食！

佢講o左一大堆！

最後揀o左串串貢食串燒！

上OPEN RICE 話開4點！

點知去到原來係開5點！

但我o地已經6點先去到，但佢o地都只係準備緊！

老闆叫我o地3個字後再返去！

我o地周圍睇o下仲有咩好食！

等到6點3倒就可以入去lu！

呢間度原來好細間，數埋都係坐得12個人！

真係遲少少去都無位呢！

我o地都叫o左唔少o野食！

有薄燒牛舌！

呢個好味，但略嫌薄o左少少！

我同老公都覺得厚燒應該唔錯！

接住黎有麻麻地雞中翼、芥辣豬頸肉、鹽燒安格斯牛串、薑汁禾花雀！

麻麻地雞中翼真係只係麻味，無辣味！

都幾香，但無咩特別！

個芥辣豬頸肉真係一流！

燒得o岩o岩好，個味亦都食到有芥辣味！

鹽燒安格斯牛串就無咩特別！

仲要成$38，真係有o的唔抵囉！

個薑汁禾花雀只係老公試o左！

老公話無薑汁味，食乳鴿會好味o的喎！

接住黎有意大利香草羊鞍！

又係老公食o既！(老公唔俾我食呢！)

老公話無特別，係一舊好普通o既羊鞍！

仲有燒肥蠔！

老公俾我食o左1隻！

不過我覺得o麻o麻！

燒得都唔夠香o既！

鹽燒鯖魚！

呢個好抵食！

都係普通o既燒鯖魚，無話特別好味！

仲有燒肥鱔！

呢個老公批準我食呢！

又係無咩驚喜！

至於個黃金蟹蓋串係老公o既！(又係有得睇無得食！)

老公話係蟹肉+蝦膠！

都係普通o既釀蟹蓋！

最後o既係香芧串大虎蝦！

我食o左一啖，唔係太夠香芧味！(除O左豬頸肉，呢個算係最好味！)

So far總結成餐，令到我同老公叮一聲o既只係個芥辣豬頸肉串！

其他只係普通o既串燒！

我同老公一致都認為唔會再試第二次呢！

相反上次好姐妹帶我o地去o既渡船角就會去多次呢！

因為o的o野食o既質素係好過串串貢呢！

生寶臍帶血 -- 《準媽媽: 妳準備好了嗎? 妳認識臍帶血嗎?》+《初生BB護理》講座

今日呢個講座係由生寶臍帶血聯同強生舉辦o既！

地點係中央圖書館！

我o地先去o左電氣道o既串串貢食dinner！

食到7點3就埋單行過去中央圖書館喇！

個講座其實係7點3開始o既！

我o地都係遲o左3個字倒o姐！

講座分o左3部份！

第1部份係黃斯勤醫生主講！

內容主要係講懷孕前o既準備！

懷孕中o既常識！

原來婦產科醫生做過統計，20W大約1lb、26W 有 2LB、30W有3LB、36W有6LB重！

宜家O的產科醫生對開刀同順產都係50:50！

無話特別建議一定要順產！

因為會有好多突發性因素呢！

而開刀好定順產好都無一準則！

大前提係要對BB同媽咪O既傷害影響最低！

我有諗過順產！

但老公話驚我唔夠氣力生阿囡，怕令到阿囡無咁精靈喎！

咁又係O既，我由細到大都唔係好夠氣，生仔要用好多氣力，我都怕到時阿囝出完黎，阿囡唔夠力推出黎呢！

所以都係接納老公建議應該開刀生！

雖然我會復原得慢O的，但大前提係要大小B健健康康出到世O麻！

我辛苦O的有咩所謂呢！

其實黃醫生都講得幾生動，有時仲有爛gag位添！

之後就同梁姑娘講點同BB沖涼喇！

老公話尋日美素佳兒個講座都有講呢PART！

好彩今日有得聽補返數O姐！

梁姑娘都示範得幾生鬼嫁！

最後就係介紹臍帶血喇！

我O地無聽晒呀，因為尋日已經聽過差唔多O既O野呢！

今日呢個講座頭兩part真係幾有用！

臨走填份問卷就有禮品送喇！

係Johnson Baby o既一盒大盒裝濕紙巾、一set 2支旅行裝lotion連1包濕紙巾！

估唔到呢個講座會送呢o的o野呢，真係有少少surprise呢！

百家寶學府 -- 開刀、順產？！講座

食完個大家樂下午茶，就搭車過灣仔lu！

接住呢個講座係講開刀、順產同分娩要注意事項！

佢4點3開始，但係我o地成5點先去到！

去到都聽到無痛分娩o既好處壞處！

之後就到講臍帶血喇！

其實真係第一次聽臍帶血係點樣儲存！

佢有埋slide睇，個concept清楚好多！

O係香港政府醫院，暫時只係得廣華、威院、東區同瑪麗有得捐臍帶血！

不過唔係所有肯捐出黎o既臍帶血，政府都會保存！

佢o地一來唔夠位，二黎無咩贊助o係呢方面呢！

聽完有一set禮品送返！

有媽媽奶、惠氏o既毛巾、口水肩、Baby雜誌、毛巾、有機lotion試用裝同埋魚油丸試食裝！

仲有5月下旬bb展o既入場卷換領信！

不過到時個肚籮咁大，老公都唔俾我出街啦！

或者到時叫老公自己一個去睇o下有咩平o野執都好！

今日一口氣聽o左3個講座！

3個講座o既內容都唔相同，都各有得著！

黎緊聽日同下個星期二仲有講座要聽呢！

呢個三月尾真係好忙呀！

香港母乳育嬰協會 -- 哺乳成功秘笈之職場全攻略講座

呢個講座o係北角青年協會搞！

O岩o岩好我放工行過去就係喇！

老公2點過到黎北角，由於時間唔係太夠，所以無食lunch就直接上去聽講座喇！

去到等到成2點半先開始！

我expect呢個講座係講返工後點樣可以成功餵人奶嫁o麻！

但係個講者醫生只係講母乳有咩好！

不過佢個skin to skin contact topic幾好！

Skin to skin contact即係話bb一出世就將佢放o係媽咪o既心口！

呢個contact係分o左9個stage！

個講者有播到片俾我o地睇！

我真係覺得幾神奇！

O岩o岩出世o既BB真係本能地識得自己去搵媽咪o既乳頭食o野！

講座亦都有講順產o既BB 本能搵乳頭o既能力係高過開刀/無痛分娩/催生o既BB！

因為o的藥物唔多唔少都會影響到BB呢！

但呢o的skin to skin contact我諗只係可以o係外國實行！

O係香港，even係私家都唔會做到呢！

不過又知多o的呢方面o既知識呢！

個講座係由尚健贊助！

我想買o既Medela Swing要成$16XX呢！

都係襯呢個星期，襯永安仲有discount買先！(因為費事問人借護協證喇！都係平多$200 o姐！)

我o地聽到4點就走lu！

因為要趕去下一場個講座呢！

不過去下一個講座之前，都去o左大家樂食o左個下午茶先呢！

美素佳兒 -- 育嬰技巧及増強寶寶免疫力講座

之前收到美素佳兒o既sms話有講座！

個topic又係講育嬰技巧喎！

咁當然唔可以錯過啦！

地點係逸東酒店！

本身今個星期係短週！

但因為4月頭o既連續3個星期六都要去QE聽講座，所以掉o左長短週！

本來諗住返去拍一拍咭就走！

點知因為月餅有好o野跟，所以走唔到！

變o左要老公自己一個去聽！

但呢個講座好在有notes o姐！

無去到聽都可以有notes睇o下講過o的咩o麻！

而老公亦都有抄過o下o的notes呢！(呢個真係估唔到佢今次會咁專心呢！)

老公亦話知道晒點樣同大小B掃風同沖涼喎！

老公話個講座分o左兩part！

但分邊兩part老公又無講到喎！

我只係知有教點樣按摩個乳房令到乳汁増加呢！

中段老公話有奶粉試飲！

咁我問老公有無試啦！

佢話係試媽媽奶，唔係大小B o既奶粉，所以無試到呢！

最後老公填完份問卷就有一份禮品喇！

係口水肩、一本育兒書同媽媽奶粉！

仲有訂美素佳兒o既form！

之前諗住食日本雪印！

經過一輪research之後，我同老公決定改食美素佳兒呢！(雖然主要係想餵人奶，但都要做o下儲備不時之需嫁o麻！)

老公聽到1點就由佐敦搭118過黎北角喇！

因為要去聽另一個關於母乳o既講座呢！

識飲識食 -- 大叻越南牛肉粉餐廳

O係溫莎聽完講座，就過對面搵o野食喇！

下晝已經問o左師兄o個頭有咩好食！

師兄就建議呢間 – 大叻越南牛肉粉餐廳喇！

佢正正o係溫莎對面o既晏頓街！

我o地9點半去到，都有唔少人呢！

我o地叫o左佢個2人餐！

頭盤有粉包同春卷！

呢兩樣都無咩特別！

跟住有個香芧豬扒飯同生牛肉湯河！

個香芧豬扒好好味！

香得黎又juicy喎！

而個生牛肉湯河都ok！

佢個湯o既色水夠同個香味都得，但略嫌咸o左少少！

之後我o地加多個燒扎肉小食！

呢個係老公o既favour呢！

呢餐好抵食！

師兄果然無介紹錯喎！

產前產後六十天講座

呢個講座係2月頭報O既！

好準時6點放工，跟住去搭722過灣仔！

今次舉行地點係早幾日去惠氏講座O既對面-- 溫莎大廈！

由於老公要去搵外快，所以成8點先黎呢！

我就先上去聽住先！

一入去登記就有Organic Baby O既手套同手巾禮盒喇！

仲有一罐媽媽奶粉添！

好彩早幾日個惠氏講座我無拎到，唔係拎埋拎埋咁多都唔知做咩！(因為應該唔會飲呢！)

個講座分2 PART！

先係個所謂註冊藥劑師講孕婦O既健康飲食！

最主要當然係食多O的屋企飯啦，因為無咁多味精O麻！

同埋產前營養要均衡！

蛋白質、碳水化合物、脂肪同蔬菜都要有！

呢個當然知啦，但睇O下做唔做到之O麻！

仲有要吸收唔同O既維他命，幫助BB發展！

仲要唔好食咁多麵包同蒸餾水喎！

話麵包有發粉同添加劑！

而蒸餾水就無晒水裡面應該有o既礦物質！

要飲就要飲電解水喎！

不過個講者 -- 童回春女士唔係太掂囉！

佢O的語氣好似係話個個都要聽佢講！

唔聽佢講就一定唔得嫁喇！

bb會唔健康嫁喇！

講到尾咪又係hard sell佢做o個間公司o既疫苗package！

不過我都唔會考慮呢間！

應該會揀 Kinetics O既補針PACKAGE！

第二部份係上次準父母湊B全攻略O既講者 -- 林姑娘同佢奶奶！

講O左一O的日常孕婦O既知識！

最尾講到照顧BB最重要O既環節！

就係洗臍帶同掃風！

如果臍帶清潔得唔乾淨會有細菌感染！

到時就會入血，會令BB發炎........！

掃風一定要掃到，唔係就係嘔奶同吸收唔到營養！

成晚會好似O係度呻吟咁叫呢！

聽完再填張CORDLIFE O既FORM，就有件衫仔送喇！

呢個講座內容都OK充實！

仲有唔少禮品！

只係第一個講者比較差O的囉！

今日聽完呢個講座，黎緊呢兩日仲有四個要聽呢！