8月喇，距離1123呢個大日子仲有106日咋！
雖然話好多task都ko o左，但其實亦都有唔少task係未完成！
等我做個8月份pending list先！
1. 印帖
聽日會去印，希望趕得切最遲9月頭可以起貨。
2. 成長片段
呢part係最煩惱o既，因為豬豬要揀o的最有代表性o既相出黎呢！
3. 會場佈置
仲未約wedding planner Loretta 傾添，其實大約個idea已經有，係欠帶Loretta去實地觀察一次！
4. 試妝
仲未約到final試妝係幾時，因為豬豬實在太漏氣喇！叫佢幫我同Loretta約時間，佢遲遲都唔約！
5. 花球
其實伴娘已經幫我揀o左兩個花球，但因為豬豬想俾Loretta賺，所以都仲未決定去邊度訂好！
6. 唱新銀紙
已經唱o左4成，仲爭6成未唱！預算今個月內會唱多2-3成先！
7. 觀禮咭
因為過去兩個月都係搞新屋，所以無時間去design添！我今個月會加倍努力！或者，到派帖時印唔切，咁就放棄觀禮咭呢個task！
今個月target係要完成以上幾個task，因為之前擱置o左結婚o野太耐喇，要追返o的時間！
我仲已經請o左個工廠女工，月尾黎我屋企幫我手入餅咭添！
呢個工廠女工就係我o既好伴娘喇！
因為一次過要入成350張西餅同唐餅咭都真係好係o野，係時候我班好姐妹幫o下手喇！
使唔使要多個廉價女工呀？我有2罐可樂就可以做成晚嘅喇........^^比d心機呀！大日子好快就到喇.....
回覆刪除[版主回覆08/10/2008 12:09:00]哈，多謝你先呀！
唔可以咁便宜個伴娘o既，等佢自己一次過入晒350張餅咭，唔好以為佢好舒服呢，哈！
350張餅咭...wah, that is a lot.
回覆刪除[版主回覆08/12/2008 19:49:00]無法啦，媽媽指定要！
350張~真係好多喎,
回覆刪除上次買得120張, 諗住下次expro再買, 問呀媽要幾多至夠,
佢話120張都話多喎~~~~
[版主回覆08/15/2008 12:59:00]唉.........你唔明嫁喇！