印帖(一)

搞o左咁耐，今日終於都出o左去印帖喇！

我一路都只係記得帶落訂張單，係唔記得要帶註冊地點同酒樓個地址！

好彩呢兩度我都有帶咭片o係身o姐！

所以可以一次過provide晒所有資料俾間印帖公司呢！

今個月20號e-mail對稿，對稿後3星期就可以起貨！

咁都趕得切過完大禮之後派帖！

原先訂o左300張，宜家加到360張，因為預鬆少少好o的，再加印個價就好貴嫁喇！

今日仲拎埋送o既400個回禮利是封同囍字貼紙添！

本來可以等起貨先一齊拎，但諗過都係拎o左回禮利是封先，咁就可以得閒時入定o的回禮利是喇！

好開心，喜帖終於都起o左個頭喇！

希望對稿時唔好有o野錯啦，唔係就可能要到9月尾先有得拎帖嫁喇！

跟住我o地下一步要做o既，就係要去買印人名o既透明貼紙，用printer印好再貼落張帖個封度！

我諗呢o的應該唔係好難搵掛！