會考放榜

阿妹今年又要考過英文同中文兩科！

記得上年我拎o左日假去陪佢放榜！

仲有表姐同佢細阿哥一齊！

不過出黎成績唔太好，但佢唔想讀中六，所以唔打算重讀！

佢一心諗住去讀IVE，所以唔使周圍去搵學校！

上年佢考時中文其中一個細科拎U，但overall出黎係2，即係合格！

今年都係同上年一樣，中英都係2！

中文都係有一個細科拎U！

好搞笑，上年中文listening拎U，今年變拎C！

但中文作文上年拎C，今年拎U！

好明顯佢係作錯題啦，唔係點會拎U丫！

英文就差唔多，只係一個細科降o左一個grade！

阿妹話出年想再考過！

其實今年佢考成咁唔怪得佢，因為佢又要返學，又要返工，仲要考會考！

下年佢話唔做part time，專心讀書！

咁我都support佢o既決定o既，因為佢有信心會考得好過今年！

但若佢出年考出黎都係差唔多，我唔會建議佢再考第4次囉！

希望出年o既放榜日，能夠聽到佢o既好消息啦！