婚戒第二回

之前講過，話我會有兩對婚戒！

今日去印完帖之後，都搞掂埋第二對婚戒喇！

呢對係點晴品系列！

其實真係睇中o左好耐，一路未買係因為再俾多o的時間去考慮清楚！

最終我同豬豬都認為買埋呢對係prefect o的！

因為可以一次過換晒宜家戴緊o既兩對戒指！

代表我o地o既感情進一步昇華o左！

我o地先去o左新世紀o個間點晴品睇！

o個度都有我o地睇中o個對！

但女仔o既粒石只係係0.09份，男仔係0.08份！

咁豬豬就好懷疑啦，因為之前o係九龍灣睇中o個對係女仔粒石大過男仔唔只1份嫁o麻！

問佢有無咩信用咭有折，個sales死都話無！

咁最後當然係無買到啦！

之後我o地返九龍灣，之前去過兩次o既點晴品再睇過！

去到睇果然係豬豬記性叻叻！

同款女仔o個隻粒石係0.12份嫁，而價錢同o係新世紀見到o既0.09份係一樣！

而且呢間仲可以有95折discount添！

咁當然o係呢間買啦，女仔粒石又大o的，價錢又平o的！

而德福廣場仲有得抽獎添，我o地抽到罐運動飲品，仲可以有機會抽部電視機添！

好彩我o地無o係新世紀點晴品買咋，唔係就蝕晒喇！

都唔明點解同係點晴品，兩間個offer可以爭咁遠！

不過，我同豬豬係一對精明消費者，唔會咁易俾人扼到o既！

我同豬豬都要改size，我右手無名指係10號，豬豬係15號！

至於刻名，因為未諗到點刻好，個sales都建議我o地等拎o左先再決定刻咩！

預計我生日當日有得拎，咁就當呢份係我生日禮物啦，哈！

第二對婚戒終於都搞掂埋喇，真係好開心呢！