消遣

今個星期長週！

先約o左個商號10點半開會，都開到成11點半！

之後因為媽媽去o左睇醫生，所以我同師兄好hea咁等到1點放工！

放工後去搭281A入沙田！

因為約o左其中兩個姐妹打牌！

今次係去阿奀屋企，今次係第二次上去佢新居喇！

之前話上黎我度o既，但因為仲未執好，所以我好堅持唔俾佢o地上黎呢，哈！

打o左8圈後就叫o野食，今晚我o地叫pizza hut外賣！

試o左個三色批，有芥辣washabi味，冬蔭公未同沙tei味！

都真係幾好味嫁！

食完再打4圈，打到差唔多12點就完場，因為仲要去趕尾班車返屋企呢！

點知我o地走阿樂都仲未放工返得黎，阿奀唔知要等到幾多點lu！

之前同飛飛係搭同一架車返屋企，宜家唔得lu！

我o地搭89x去官塘，之後選擇行返屋企！

都無試過半夜三更去官塘，原來官塘半夜係好多o野食嫁！

搵日真係要同豬豬去試o下先得！

返到去仲可以睇到火影忍者添！

原來下星期開始奧運，所以今日播o左2個鐘呢！

要到8月30號先再做返！

好彩無miss到呢集咋，今集真係幾好睇，都話鳴門可能係第六代火影嫁啦！

好耐都無試過同豬豬一齊坐o係梳化睇電視喇，之前一直都係o係房睇，始終唔夠o係廳睇咁好！

突然之間覺得自己好幸福，因為有豬豬o係身邊，仲要o係係屬於我倆o既安樂窩呢！