2008年8月8日北京奧運

今日豬豬過黎接我放工，一齊搭215X返屋企！

返到去o岩o岩好8點零8分，o岩o岩開始奧運開幕！

咁當然坐定定睇o左先啦！

真係好掂，係我覺得近呢幾屆裡面，最好睇o既一次開幕！

中國雖然無咩錢，但勝在夠人多！

Part part都係用人黎砌出黎，個效果好正！

仲要咁齊喎！

最吸引同最驚訝o既係活字印刷o個part！

o個o的波浪做得好似，好似係電腦排出黎咁！

真係好佩服o的演員夾得咁好！

真係好正！

咁都證明o左中國六百億人口係好團結，好齊心！

另外仲有我鐘意o既阿寶做香港隊持旗手添！

好彩無miss到今次奧運開幕儀式o姐！

一直都好想知最後一棒o既火炬手係邊個，直至今晚放工時都未公佈！

原來係李寧！

最後一棒個點燃方式仲好特別添！

張藝謀即係張藝謀，真係好似睇緊一套戲咁！

今次開幕真係好難忘！

希望黎緊呢十幾日裡面，中國隊同香港隊都會有好成績啦！