2011年4月30日 星期六

束腹帶

星期四去QE覆完診!


跟手就落去間復康用品店度睇束腹帶喇!


o地都搞o左成3個字先買到!


因為佢有份1, 2 3 size


o地叫o個個店員開黎俾我o地睇!


最後買o2size(即係中碼)


牌子係Verba,係德國牌字!



我諗生完條腰應該33-35”掛!


咁都應該夠用!

走佬袋物品又完成多一樣喇!

2011年4月29日 星期五

申請產假

尋日去QE覆診!


o左醫生拎產假紙!


今日終於都入o左假紙請假喇!


之前諗o左好耐點放好!


經過尋日confirm o左開刀日子後,就有o左決定喇!


考慮緊好唔好到時叫醫生寫一個星期病假俾我!


咁我就可以早一個星期放假喇!


呢個係好ideal o既諗法!


但一切都要depends on當時我o既身體狀況呢!


2011年4月28日 星期四

政府第七次產檢@33W2D

本來係上星期四覆診o既!


但由於11o個個weeko左院,所以改o左今日先再返QE覆診!


今次覆診講返上次入院時驗小便無問題!



一如以往,一入去見醫生就上床照超聲波喇!


今日睇,大小B真係大隻o左好多!


因為個mon已經無咩位剩喇!


先度阿囝!


頭仔依然向下!


阿囝係打橫訓oo係度!


對腳向上踢,即係成個L字型!


跟住到阿囡喇!


阿囡個頭仔依然係向上!


姿勢係坐o係度!


仲要係坐o係阿囝個頭上面!


可能阿囝姿勢係L字型啦,搞到阿囡好似無咩位咁!


咁想阿囡個頭轉向下o既機會都幾微lu(因為無位俾佢郁呢!)


醫生話大小B胎水都好足!


事隔3個星期,阿囝阿囡o既體重進展唔錯!


各重o1磅多oo的!


阿囝重4lb7oz,阿囡重4lb5oz


醫生話係中碼偏中size喎,哈!


照咁睇,希望仲有幾個星期,可以谷到大小B每人去到6磅就最好喇!


今次俾上次產檢我自已重o1.4kg


仲俾老公笑我體重已經超越過佢添!


成個懷孕期到宜家我重o34磅喇!


仲有幾個星期,仲有6quota可以用!


老公話叫我呢排每日1隻烚蛋,隔日飲花膠湯同食多o的牛喎!


今日仲約埋開刀日子喇!


但由於星期六/日無得約,所以約唔到同埋老公舊曆生日o個日開刀呢!


老公問醫生可唔可以約遲少少!


但醫生話再遲就會有危險,又話孖胎會早產,又話怕我有妊娠毒血!


又話到時變o左緊急開刀就唔好啦 etc……….


最後老公都聽只好就範,同意o個日開刀!(雖然我知老公有少少失望!)


兩個星期後再返去覆診!


同時亦都約埋見麻醉師日期!


既緊張、又擔心,但期待呢日o既來臨呢!


不過大前提係大小B要乖乖,等到預約當日先好出黎呀!


2011年4月25日 星期一

又開唔到機

部電腦21-22號俾佢抖o左兩日,早兩日又可以開到!


跟住24o個日開o左十幾個鐘之後,今日又開唔到喇!


其實都唔知做咩!


不過老公話應該係裡面ocpu或者其他零件鬆o左!


所以導致有時接觸不良,就搞到開唔到機喇!


咁部機係DELL o既,如果我o地自己拆o左出黎睇,之後話因為自己拆過而唔幫我o地睇或者收好貴咁咪幣!


雖然係過o左保養期o姐!


所以都係等聽日打去問問,睇o下可以點先!


我仲未買燒碟嫁!


唔好壞住呀,我仲要o51勞動假時做back up嫁!


清胎毒

終於都開始清胎毒喇!


見到其他媽咪開始食西瓜,綠豆沙,芝麻糊,龜苓膏,白蓮鬚……….


但自已唔敢開始食!


因為始終孖胎早產o既機會已經大o的!


我怕咁早食o的涼o野,大小B未足月已經趕住出世喇!


唔可以o係食o野度著手,就改為向中醫入手喇!


所以今日去o左睇袁醫師喇!


先開o左兩劑清胎毒o既藥!


o地打算一星期睇兩次!


睇到36 week打後就可以食o的涼少少oo野喇!


首選當然我係揀西瓜啦!


大熱天時食個冰凍西瓜真係無得頂呢!


走佬袋(Round 1)

終於都的起心肝執走佬袋喇!


之前一路都無執係因為個旅行袋同之前買落o既走佬用品放晒落床底!


個油壓床要老公先可以打得開!


尋日老公唔舒服所以要等今日先可以拎到出黎呢!


總共執o左兩袋!


一袋係大小B o既,一袋就係我o既!


大小B o個袋暫時就有:


1包尿片, 1包乾棉, 1盒濕紙巾!


仲有未執落去o既有:


等下星期洗好o既兩張包被、紗巾同埋出院衫仔, 揹帶!


o既袋暫時有:


乳墊, 暖水杯, 毛巾, 牙刷, 沖涼液, M, 床墊, 網褲,沖洗器,廁紙!


仲未執o既有:


束腹帶(等今個星期四去QE覆診時買),廚房紙.......


唔執都唔知原來要咁多o野!


o的衫仔、包被、床單要等個膠柜送o左黎先可以洗!


唔係宜家洗完都無地方放呢!


下個星期51勞動節假再努力過!


2011年4月24日 星期日

老公病倒了

尋晚老公自己開o左支紅酒飲!


以前未有大小B o個時我o地個個星期六同日都會飲!


但有o左大小B之後我就被禁制o左唔飲得!


連帶老公都少飲o左!


唔知係咪耐無飲呢!


今日老公個肚唔舒服!


係陰陰痛o個隻,唔係去廁所可以解決到呢!


老公仲話係陣痛o個隻!


咁我問老公咁規唔規律嫁?!


老公話咁又無,應該未生得住!


哈,病o左都仲識講笑!


咁我就自己落街去買o的免治牛肉返黎,今晚煲粥俾老公食喇!


由於煲粥需時,所以先去買住一碗粥再加齋腸俾老公做lunch先!


見到老公咁辛苦,真係心都痛埋呢!


因為老公唔係成日病,所以一病我就好擔心嫁喇!


大小B唔知係咪知道BaBaBe唔舒服呢!


係咁踢,係咁郁,好似想BaBaBe同佢o地傾計咁!


但今日BaBaBe無心情同大小B玩呢!


大小B乖啦,聽日等BaBaBe好返再同你o地玩啦!


2011年4月23日 星期六

翻煲薑醋

20o個日媽咪同四姨煲o4煲醋!


o係復活節o既任務就係隔日將呢4煲醋翻煲喇!


呢個工程都幾大嫁!


屋企得2個爐頭!


先煲好兩煲先!



跟住等佢o地凍o左少少先可以再煲另外兩煲!



每煲滾o左仲要煲20分鐘!


其間如果o的醋蒸發o左仲要加醋!


唔怪之得o的人話煲薑醋要早成個幾兩個月煲啦!


好彩只係呢個兩個星期先要隔日翻煲o姐!


o的就可以幾日先再翻煲一次!


等我生o左之後媽咪先再落豬手同雞蛋/鴨蛋!(因為12朝先開始請人食o麻!)

咁陳家薑醋到時就大功告成喇!

大肚相Show Time@FACE (運動TOP+YOGA褲)

4月9日,30W4D!










壞機?!

星期四O個晚部電腦唔知做咩!


6點幾放工返黎開機都無事!


跟住老公返黎,落街食飯!


出門口前熄O左部機!


食完飯返黎再開機啦!


點知就開唔到喇!


跟住尋日同今朝都開唔到嫁!


係今晚心思思又試O下開唔開到啦!


點知開到喎!


原本諗住仲要等到復活節假後先可以叫人上黎整添!


今晚用到都好丫!


不過今晚熄機後可能聽日又開唔到嫁喇!


所以老公話今晚俾我用耐O的喎,哈!


聽日要去買返O的燒碟至得喇!


好多相都未做BACK UP嫁!


如果一壞就慘喇,好多相都無晒嫁!


聽日要ACTION 做全機BACK UP先得喇!


2011年4月22日 星期五

大小B用品 -- 膠櫃

終於都開始放復活節一連4日假喇!


但訓到9點半就自動醒O左喇!


又無電腦用喎!(因為唔知咩原因開唔到機!)


跟住老公都醒埋!


老公就話不如去飲早茶!


咁我O地10點就出發去MEGA BOX喇!


我O地今次揀O左百樂門!


12點半前埋單點心有半價!


我O地兩個叫O左8個點心!


最後當然食唔晒要打包少少啦,哈!


跟住就去實惠喇!


因為要睇O下有無膠櫃呢!


原本都無抱好大希望!


唔知係咪無希望就有驚喜呢!


居然俾我O地見到有我O地開始睇櫃時,第一次見到O既木面白色配圓手抽O個隻柜!


仲有5層高,同埋做特價添!(之前睇到成千3蚊,宜家$699咋!)


買滿$800仲可以送貨!


好過DSC O個個好多啦!


咁就即時買O左,7個工作天後送貨!


等個櫃送O左黎就可以開始洗大小B O的衫同床單喇!


跟住去埋DSC 買O左張電腦枱!


因為宜家房張枱太大,所以要換過張細少少O既!


咁先可以放得落兩張BB床!


過兩日老公就會開始砌張枱喇!


宜家只係爭兩張BB床未訂O姐!


但已經問O左嫁喇,等過晒復活節假後,下星期二先覆幾時可以有貨同安排送貨!


大小B O的用品七七八八喇!


搞掂埋BB床就安樂晒喇!


2011年4月20日 星期三

豬腳仔

呢兩個星期隻腳開始腫喇!


之前仲好老定話隻腳咁耐都唔腫o既?


點知一講就出事喇!


由上個星期一入院開始,隻右腳開始腫lu



係腫到有o的痛呢!


不過上星期因為bed rest,所以無再嚴重落去!


但今個星期返返工,隻腳開始不受控制地腫喇!


因為要坐同行呢!


之前夜晚訓覺都無抽筋o既!


但自從腳腫開始就有抽筋喇!


前日朝早4點仲抽到痛到死咁濟!


叫老公又訓到成隻豬咁唔郁喎!


唯有自己搞掂啦!


宜家要著涼鞋返工,唔可以著平時o的平底鞋喇!


好彩兩個阿姐都好好俾我著o姐!


個個都話我好奇怪,只係右腳腫,左腳唔腫!


但其實左腳都有,只係無右腳咁誇張o姐!


唔怪之得o的人話頭三個月同尾三個月係唔可以成日出街!


而中間o3個月就係蜜月期啦!


宜家終於都知喇!


頭三個月未穩所以唔可以週圍走!


尾三個月係因為個肚大、腳腫、腰痛,所以唔可以週圍去!


中間o個三個月介乎見肚與未見之間係最好,可以週圍去呢!


o的人話三消三腫,bb就會出世!

希望大小b乖乖啦!

煲薑醋

星期日o個日媽咪同o3姨同4姨返大陸!


因為3姨幫我oo係大陸相熟店訂oo的薑呢!


3姨話大陸o的薑靚o的喎!


所以媽咪就上o4姨大陸間屋企訓喇!


總共訂o30(大陸斤),即係約等於20斤香港斤!


媽咪星期一同二就同4姨、3姨一齊挖薑,之後再爆薑!


跟住星期三就返黎屋企開始煲喇!


上星期已經買o310斤同25斤八珍甜醋!


本來係3姨上黎幫我煲o既!


但因為3姨屋企有白事,所以唔方便上黎!


o4姨同媽咪點煲!


煲好晒媽咪又再出發過澳門lu


要星期日先返!


放工返到屋企!


聞到成屋都係薑醋味呢,好香呀!


暫時煲o4煲!


應該夠晒喇分男女家同我oo的朋友掛!


o的再加埋豬腳同蛋,相信都會幾好味呢!


2011年4月17日 星期日

大肚相第二回@FACE

呢輯相係4月9號,30week o既時候去影!



當時隻右腳已經開始有少少微腫!


影呢輯相o既時候無去studio123影咁累!


雖然當日朝早9點半要去oQE聽講座!


但下晝返o左屋企訓o左一陣先再出去影!


所以個樣精神o的!


o地好準時4點去到!


Serveo地揀相o既係Mandy


佢見o的相我個肚好大,問我o地係囝定係囡!


我就一貫咁答又囝又囡


跟住呢個妹妹仔好似發現新大陸咁o係度大叫!


之後其他sales又走埋黎襯熱鬧!


o左成15分鐘我o地先可以開始揀相!


一早已經同老公傾好,唔會俾錢加相!


30張都已經好足夠喇!


同預期o既一樣,今輯真係好、好、好多!


起碼今次我o地要o121張相裡面揀30張係有難度!


今次totalo4套衫!


除o左第一套吊帶裙影得少o的同差o的外!(可能未warm up啦!)


其他o既都好靚!


但因為budget有限,所以唔可以揀多過30張呢!


o左個半鐘(其中有3個字係應酬osales)就揀好喇!


仲揀埋邊張相做10”x10”相架添!


不過個相架要成3個月之後先有得拎!


隻碟就可以即時拎走!


Mandy仲叫我生完之後帶大小B過去探佢喎!


o個時仲問我可唔可以摸o下我個肚!


跟住話想feel o下佢o地郁喎!


但阿囝同阿囡好有性格,人o地掂佢o地就唔郁呢!


跟住我o地走就郁喇!


老公話阿囝阿囡好叻,識得唔應陌生人喎,哈!


揀完相,我覺得o係呢度影多輯係無揀錯o既!

可以考慮o下第時帶大小BFACE度影相呢!

2011年4月16日 星期六

QE產前講座 –產後護理齊分享

星期三晚出O左院,今日又再返QE


但放心,今次係去聽產前講座O姐!


先去O左美味天皇度食早餐!


老公終於都帶我去試O左傳說中O既大爆奄列喇!


真係好大份同好厚!


我諗真係用O左成5隻蛋黎整呢!


食飽就搭車過QE喇!


去到98,講座OO岩開始!


今日講座分O左兩PART


第一PART講產後護埋!


惡露會維持大約1個月倒!


初時係紅色,之後就會慢慢變粉紅,之後啡色!


即係好似M咁!


要清O左初期惡露,即係12日後先可以補!


即係先可以食行氣活血O既薑醋同雞酒之類!


跟住到講剪會陰喇!


每位媽咪入院都要簽一份同意書!


聲明順產時如果唔夠位就要剪會陰,以方便BB出世!


但唔係個個都要剪O既!


係唔夠位先要O姐!


開刀生宜家通常都係打橫開!


係好緊急時先會打直開刀!


打横開刀係O係比堅尼位!


仲有宜家聯完針係唔使拆線嫁喇!


入院只係帶貼O既衛生巾,網褲,沖洗瓶,厚廚紙同軟身廚紙!


以方便洗會陰傷口!


記住係裝暖水入沖洗瓶用黎洗會陰傷口喎!


仲有醫院係有水泡可以借,等坐低時減低對會陰傷口造成O既磨擦導致痛楚!


醫院有間復康便利店!


O個度有束復帶賣!(姑娘話主要俾開刀媽咪用,順產其實唔太使用喎!)


摸過O的質地都OK(010 O既差唔多!)


O地都有去睇過,價錢都幾抵!


過多兩個星期去覆診先買!


QE產後病房分O3層!


A11(公務員層)EX樓同GX樓!


O左院如果有咩問題就可以打返去自己所屬O既病房樓層問!


第二PART係講嬰兒護理!


一如之前聽O既講座!


BB出世後大約一個鐘就會俾返媽咪身邊!


OBB可能對個室溫唔係太適應,就會入暖箱!


但姑娘話放心,BB唔係有病,只係想保持BB體溫O姐!


所以帶BB俾媽咪攬住係想俾BB保持體溫呢!


如果有黃疸就要照燈!


不過通常都係出O左世3日後先開始面黃!


O左有G6PD OBB


BB一出世就會O係臍帶抽兩支血!


1支驗G6PD1支驗甲型肝炎!


如果出院後2-4星期內收唔到電話就即係好消息喇!


咁即係代表BB無事呢!


跟住到示範喇!


今日搵O3位爸爸出黎示範!


先係掃風,跟住到換片,最後就係沖涼喇!


BB體溫正常係36.6 – 37.4度!


如果低過或者早過就要睇醫生!


姑娘話見到BBO下吽O下或者面仔紅晒OR太活躍同平時唔同,就要幫佢O地探O下熱!


探熱最好係用電子肛探,咁會準O的!


餵人奶基本上係唔使補水俾BB


出世第一日有1次小便,第二日有2次,第三日就4次,第4日就5次,第5日打後就要有6次先為之正常!


而第5日打後O既小便量要有3湯匙O既份量先正常!


每個BB出院前都要磅重,要達標先可以出院嫁!


點先為之達標呢!(即係收水幾多為之合格呢!)


就係唔少於出世體重O7%喇!


今日呢個講座幾實用!


聽埋今日,呢個月都唔使再聽講座喇!


真係可以專心咁星期六休息O下喇!


大小B要乖乖呀!


2011年4月13日 星期三

留院後感

3o係產前病房見到好多o野!


第一晚半夜一入去,隔離床媽咪32週!


佢見紅入院!


朝早6點都無咩事,仲話痛少o左!


點知9點突然穿羊水,跟住打消炎針!


下晝3點子宮開o1-2度就推o左上產房待產喇!


好多入院都係因為見紅!


聽到姑娘話見紅入院,如果3日內都唔作動就要催生!


因為驚流血過多會影響到bb同媽咪!


而羊水太濁就要urgent送上產房催生!


穿o左羊水就都要等到子宮開o1度先會補送上產房!


姑娘話夜晚係多o的媽咪被推上產房!


因為朝早有其他O野做分散O左注意力,但夜晚無O野做所以O的痛會覺O的喎!


咁又真係嫁喎,夜晚,尤其係半夜特別多媽咪被推上產房嫁!


如果見紅又未作動,要行多O的或者去玩分娩球!


咁樣可以幫肋BBO的入產道!


如果BB開始入產道,到時係會有急屎O既感覺,條腰仲會好痛!


有急屎感覺係因為BB個頭開始想出黎!


腰痛就因為BB壓住O的神經線所以特別腰痛!


呢幾日深深感受到順產媽咪O既辛苦!


真係會好痛!


我見到O既只係開O1-3度都咁痛!


到開到10O個種痛諗都諗到呢!


仲要加埋推BB出產道,唔怪之後話生仔係十級痛楚呢!


見到咁樣,亦都加強O左我開刀生O既決心!


一來怕痛,二來係怕穿O左水或者見紅會影響到大小B(尤其係小B)O既健康!


產前病房只係收24週以上O既媽咪!


24週以下O既媽咪如果有問題係入婦科病房!


宜家亦都識分點為之陣痛!


作動O既陣痛係先係肚下腹開始痛(即係三角位上面)


跟住O的痛會向上伸延!


先會係5分鐘痛1次,跟住到1分鐘痛1次,痛得密O左同強O左!


咁就好大機會係子宮頸開始開喇!


姑娘會定時CHECK住媽咪子宮開O左未,一開O左無論幾多度,就會即時SEND上產房待產嫁喇!


今次入院,令我知道我真係要開始執走佬袋喇!

唔係到時有咩突發事真係拿手唔成世嫁!

作早產驚魂Day 3

尋晚叫做好訓少少!


但都係訓個零鐘就醒一醒!


今朝姑娘早O左量血壓、探熱同聽大小B心跳!


因為有電話用,所以叫到老公起身!


原來老公尋日唔知醒起身!


搞到早餐都只係食個麵包咋!


真陰公,心痛到我丫!


跟住醫生黎巡房!


醫生問我有無再痛,我話無喇!(其實仲有少少!)


但只係恥骨位,唔係子宮位!


跟住問醫生可唔可以出院!


醫生就話睇埋下晝無再痛就可以出院喇!


仲寫多2日病假俾我!


即係下個星期一先返工!


跟住本來21號去覆診改O28號先返去!


真係開心,可以返屋企喇!


但對面床又係陀龍鳳胎O既媽咪因為有妊娠高血壓(即係妊娠毒血)


佢已經入O左黎成個星期,宜家35週!


但大醫生唔俾放假返屋企!


話咁樣會好危險!


如果宜家堅持要返就37週先安排再返黎開刀!


但呢段期間有咩事醫院唔負責呢!


跟住呢位媽咪聽完唔出得院就喊喇!


因為佢仲有個2歲大O既女女呢!


日日都只係可以見3個鐘倒!


我係佢都會喊啦!


姑娘話叫我等老公放工過黎接我先走!


老公今日6點就黎到LU


跟住我食埋醫院O既晚餐先走!


之後就陪老公返屋企附近食DINNER喇!


今日雖然見到雪糕!


但已經唔敢再食喇!


好怕大小B再有咩事!


2個月MaMaMe會乖乖地嫁喇!

但大小BO地都要乖乖地,OMaMaMe肚裡面再住多2個月先好出黎喎!

2011年4月12日 星期二

作早產驚魂Day 2

好唔容易過OO係醫院O既第一晚!


成晚1鐘起身一次!


因為不斷有媽咪被推上產房!


到你再訓返,7點就俾姑娘叫醒量血壓同聽大小B心跳!


O9點幾醫生巡房!


我話仲有少少刺住痛!


但醫生話CHECK過唔似作早產!


我問醫生點解會痛!


醫生話我應該係粗労過度喎!


咁諗落又係喎!


呢排一年一度大PROJECT開始開波!


呢兩個星期仲要應付日本幅射對我OPROJECT O既影響!


同埋下個星期開始送貨!


我都想日日準時6點放工!


但呢兩個星期搞到成7點先走!


都已經俾老公話嫁喇!


宜家呢個時間係要休息多OO麻!


加上放產假要交低呢個咁重大OPROJECT 俾新人!


但新人真係咩PRODUCT KNOWLEDGE都唔識,所以吸收有限!


我都想快O的甩身!


但睇黎我放產假時公司都仲要打黎向我求救呢!


可能咁樣壓力大O左同埋工作量多O左,導致子宮有不尋常O既收縮!


但醫生話呢種收縮又未致於影響到早產!


跟住我問醫生幾時可以出院,醫生話唔痛就可以俾我走!


但佢建議我O係醫院真正休息O下!


即係今日無得走

LU

但醫生重申多一次叫我唔使擔心!


因為唔似係呢個MOMENT早產!


同埋高級少少O既醫生話我應該係扯親,唔係作動痛!


但佢要我再度過大小B心跳!


話尋日O的數據唔靚喎!


其實尋日都知嫁今日實要再度過嫁喇!


今次大小B好叻叻呀!


O左半個鐘就得!


連姑娘都話O的數據好靚仔呢!


我諗聽日求O下醫生可以俾我出院返屋企呢!


今日老公成7點先黎到探我!


因為老公多O野做呢!


又無電話打俾老公喎,搞到我幾掛住老公呀!


希望聽日醫生俾我返屋企繼續休息啦!


我唔想O係度呀!


O係度只係可以真係唔使諗公司O野同只係訓同食!


但真係一O的都訓唔到!

好掛住屋企張大床呀!