菜單(Round 1)

今晚同豬豬去o左德福美皇食dinner！

因為之前入伙買煤氣爐，送o左張免費二人餐coupon！

佢茶芥加一都唔使嫁，即係如果唔再加o野食，真係一毫子都唔使俾嫁！

但係我同豬豬加o左個蟹粉帶子豆腐！

埋單用埋員工價85折，o岩o岩好100蚊，哈！

之後當然係做正經o野啦，就係去傾菜單喇！

之前伍生幫我寫o個張菜單，阿May幫我計完之後係over o左我o地個budget！

連阿May都話可以唔使寫咁好喎！

之後阿May幫我o地再寫過張，係o係我o地budget之內！

我同豬豬都覺得好大體嫁喇！

好過佢o的現盛菜單，現盛菜單係用雙魚而唔係用一條過o既魚嫁！

但我o地都無即時confirm！

因為仲想再睇o下有邊o的餸可以改好o的或者個價再可以平o的！

阿May話最遲10月尾confirm佢都無問題！

聽日問o下枝哥有咩意見先！

之前話要晒兩個廳就有minimum charge！

宜家都唔使lu，真開心！

仲有送埋o的席前小食添！

有個8磅真蛋糕，但我o地會request埋要個假蛋糕影相用！

同埋係有全場椅套，係金色o既！

兩個新娘房任我用！

枱布就全場金色，除o左主家席就紅色加金紗枱布！

至於個stage係8”高，我同豬豬都認為太高喇，因為o個度樓底矮，所以8”stage黎講已經好高！

宜家唯有叫Loretta幫我o地諗o下辨法啦！

當日會3點半交場，俾原先豬豬同Loretta去睇佈置時提早o左1個鐘交場！

咁Loretta 就有多o的時間佈置喇！

阿May話自己人，俾到我o既唔使我開聲都一定會俾我！

可能佢知當日有公司o既人去飲掛，所以唔可以做衰自己個場呢，哈！

等呢個星期再諗清楚，下個星期再去confirm菜單！

咁菜單事宜就可以暫時告一段落喇！

o係傾菜單前仲見到聖母同佢男朋友o係度食飯添！

阿May仲爆o左我o係佢度擺酒俾聖母知添！

我之前諗住派帖先講嫁o麻！

聖母都有恭喜我o地同介紹佢自己俾豬豬知添，哈！

阿May話佢o地遲o的會換地毯，但應該趕唔切我擺酒前換呢！

不過都無所謂啦，宜家都唔差丫！

不過換埋就會仲prefer喇，哈！