IVE好朋友

今日輪到係IVE同學派帖喇！

出席者有：阿Moe、琪瑛、Candy、Vincent、阿魚同Brenda！

咁當然仲有豬豬同我啦！

最衰阿Jan公司鬼咁多o野做，到最後都係黎唔到！

而阿Tom就因為約o左老婆食飯呢！

不過佢兩個都話搵日出黎接我張聖旨喎，哈！

而李Sir同Miss Chan我安排o左今個星期六返去俾佢o地！

話晒李Sir都識我公司某個阿頭o麻！

仲有仲明同Momoco，就要再約過時間俾佢o地lu！

我o地今晚去o左八月居！

因為應承o左伴娘好耐話同佢食都無去到，今次補返數！

我o地成班又好似以前讀書咁，嘻嘻哈哈！

琪瑛雖然做o左人o地老婆，依然都係玩到咁癲！

無見咁耐，都依然咁真，咁親切，真係好難得！

最感動係阿Moe特登拎大假黎去我個wedding！

年頭係阿Moe主動問我幾時，佢要plan定拎大假！

除o左伴娘外，阿Moe係另一個IVE同學最了解我呢！

真係好開心有班對我咁好o既朋友！

我知道每個朋友對我都好有心，一叫佢o地出黎大部份都唔會say no！

人o地話派帖可以見到邊o的係真正朋友，我完全感受到！

但我身邊全部都係真正朋友呢，哈！

下批將會係舊公司同事接旨lu！