Pre-Honeymoon(二) – 中山尋溫泉酒店篇

船程１個鐘頭30分鐘！

我o地10點已經去到中山港喇！

由於我o地唔係join package，所以要自己搵車搭入去泉眼溫泉！

我o地去到個巴士站，見到有架車係去到泉眼村嫁！

呢個就係48號公車o既站頭喇！

不過呢班車要等好耐，我o地都等o左成3-4個字呀！

由於係總站上車，所以有位坐！

每人都只係6蚊人仔咋！

不過搭公車始終都係耐o的，我o地用o左約1個鐘3個字去到泉眼村！

呢個就係我o地落車個站頭喇！

一落到車，已經有指示點去泉眼溫泉喇！

一路行，有種好似我同豬豬之前去英國倫敦o既街景！

好多矮房，個感覺好relax呢！

其實都唔難搵o既，不過，就俾個路牌點o左囉！

佢話前行300米，點知係十幾個300米呢！

我o地落o左車行o左差唔多半個鐘，就黎到泉眼溫泉喇！

咁豬豬當然又發揮佢o既所謂攝影技術，o係度狂影一餐！

影完就去check-in lu！

估唔到中國地區，上網booking都係work嫁！

一去到俾底張確認紙reception，佢就check到我個名喇！

交低o左1000港幣做按金，再俾埋人仔674房租，就可以入房喇！

連帶我o地入房個帥哥都話個路牌係點人嫁，佢o地計過係要3000幾米先入到黎呢，哈！

呢間就係我o地間蜜月套房喇！

係開放式浴室黎嫁！

仲有個室內小型溫泉，可以等我同豬豬一齊浸，不受旁人打擾！

 

我o地影完相，o係房hea一陣，就出發去relax行程lu！