新同事

今日我team有新同事返工呢！

係補返師姐做o個o的o野，因為師姐將會掉過去food o個邊！

之前已經收到風，話新同事係198x年o係food o個邊做過order組o既！

今日由阿哥介紹新同事俾大家識！

但阿哥居然唔記得介紹媽媽俾新同事識喎！

媽媽仲要好大聲咁講話”你好似無介紹過我喎！”

我o地team 師姐、師兄、小明同我即時對望！

o個一刻已經知道媽媽嬲o左！

話晒媽媽都係新同事阿頭丫，阿哥居然唔介紹佢！

咁呢鑊我o地都唔爭阿哥喇！

之後lunch我去o左行展銷會，行完想返office食麵飽時，媽媽打俾我！

叫我一齊同新同事去rice paper食飯！

佢o地3個無義氣嫁，剩低我一個同媽媽同埋新同事食lunch！

不過好彩今餐係媽媽請客o既o姐，哈！

我o地4個都認為，由於新同事唔係媽媽interview，所以媽媽對新同事態度唔係咁好呢！

咁又係o既，新同事咩來頭都係被知會，咁媽媽身為non-food副經理，都覺得唔俾面佢o既！

睇黎，呢個新同事有排捱呢！

唔知要幾耐先可以博到媽媽歡心呢？！