Pre-Honeymoon(四) – 浸溫泉篇

返到酒店5點半，當然o係房度hea多陣先去食個免費自助晚餐啦！

我o地6點鐘就換泳衣喇！

房裡面有客袍，個個住客入去溫泉區都要換好晒泳衣，著住客袍先可以入去！

大家睇o下，呢幅係咪好似我o地一齊揸住個水晶球呢！

呢個影法係豬豬諗出黎o既，哈！

好，出發去浸溫泉lu！

去到reception位，就用房咭去換匙喇！

仲有兩條自助餐牌o既鏈添！

入去到當然係參觀一下個溫泉先啦！

但由於裡面唔俾影相，所以我o地只可以週圍行o下參觀咋！

之後見到有table tennis打，豬豬當然唔放過呢個機會啦！

話晒豬豬以前打table tennis都拎過牌嫁！

豬豬殺波好鬼恨，我一睇見佢個勢想殺波，就即走開喇，哈！

打完table tennis，出完一身汗，就去食飽飽先再去浸溫泉！

Um……….o個度o的自助晚餐相當…………..唔得囉！

不過當醫肚都無壞o既！

食到7點幾，就開始浸溫泉喇！

o個度若果同御溫泉，海泉灣相比，係細好多！

o的泉都無咩特別！

o個o的魚魚溫泉要俾錢先可以浸o既，海泉灣都唔使o既！

不過，我同豬豬都o係裡面浸o左成2個鐘先走！

走之前仲去焗埋個干蒸氣添！

焗完真係覺得個人開始散散o地lu！

好彩個天到今晚9點倒先開始落雨咋，當時我o地浸緊溫泉，所以無影響我o地呢！

焗完蒸氣就返房沖涼lu，因為仲要去食宵夜呢，哈！