由於尋日一早起身去揀衫，所以今日請o左日AL！
咁我當然要搞搞o的結婚o野啦！
個坐位表終於都有個初形喇！
本來target 係25圍，但宜家應該要26圍先夠呢！
擺坐位表真係好煩，又要group埋o的人一堆坐喎，阿邊個邊個又唔可以同某o的人坐！
不過，好彩so far問題都唔太大，只係媽媽o個邊有40人，開4圍又多，3圍又唔夠！
宜家睇o下媽咪想唔想請多o的人定係cut o的人喇！
至於兄弟姐妹就唔會特登開一圍，因為想佢o地同自己人坐埋一齊，咁樣佢o地會開心o的！
但伴娘同伴郎就無計嫁喇，一定要坐女家主家席，因為伴娘同伴郎當日要貼身服侍我同豬豬呢！
個坐位表同賓客名單應該今個月內可以final嫁喇！
早o的搞掂個坐位表，可以早o的了o左件心事o麻！
黎緊就係要整個floor plan同每枱坐邊o的guest o既board喇，等o的guest黎到，可以知道自己坐邊枱o麻！
枱號我想用四字成語instead of 數字，但就之前姐妹團開會講過，都會加返個數字，等o的老人家容易o的搵到！
相信呢個task應該好快會完成呢！試完衫，同伴娘去食完lunch，就出發上我屋企lu！
因為佢有重要任務要做！
就係幫我入餅咭喇！
好彩我之前一早同o左150個餅咭封扮靚咋，唔係伴娘實喊晒口o姐！
佢話個打孔機好難按喎，但我又唔係好覺喎，哈！
由3點開始整，整到5點就整好晒喇！
而伴娘仲幫我入o左100封回禮利是添！
其實可以入多o的嫁，不過唔知媽媽將o的唱好o既10蚊紙擺o係邊，所以只可以入晒我o地唱o既100張呢！
好開心終於最煩o個樣都搞好o左一半喇，宜家只係等o的帖返黎同埋print人名透明貼紙咋！
希望呢兩個星期可以全部搞掂啦！
而我同伴娘仲有個協議，就係9月內會搞掂晒接新娘o既遊戲同道具喇！
伴娘仲俾o左o的意見我點整支簽名筆好添，哈！
Join o左個plan咁耐，終於可以再上去confirm衫喇！
約o左11點半，伴娘好準時o係地鐵站等緊我喇！
但因為豬豬今朝肚痛，再加頭痛，再加想嘔，所以我o地遲o左1個字先到！
今朝叫豬豬唔好陪我去，因為我都唔想佢唔舒服而要陪我周圍去o麻！
但豬豬點都一定要陪我去，因為話我要睇你試靚靚衫喎！
去到係Dorothy迎接我o地！
佢已經拎好晒上次我hold o既衫出黎喇！
先試婚紗先！
試o左7件婚紗，到最後都係轉o左款！
之前hold o個款係個拖尾可以拆得！
但宜家confirm o個件係個拖尾唔可以拆，心口依然都係有通花lace o既一字肩、有少少sexy o既款，哈！
同埋係最新返嫁，真係好閃，好靚嫁！
呢件試完出黎，豬豬同伴娘都一致認為最靚，著得好好睇！
第二件係試迎賓o既湖水綠色！
試o左5件，最後都係轉o左款！
之前係泡泡款，宜家揀呢件閃o的，係另一個style黎o既！
著完豬豬同伴娘都係一致認為最好睇呢！
跟住試o左7件紅色敬酒！
其實咁多件最難揀o既係敬酒呢件！
我o係兩件衫裡面掙扎o左好耐，我自己鐘意多o的金色閃o既吊帶款，即係web度o個款！
而豬豬同伴娘就鐘意上次hold o個件！
到最後，集合o左唔同意見，都係選返上次hold o個件，因為個款特別o的，同埋戴金器個效果出黎會好o的！
最後係試送客，亦都係最快搞掂o既一part！
但都總共試o左5件！
因為我同豬豬都好鐘意上次hold o左o個件粉紅小公主衫呢！
著完出黎真係影得我成個幸福小公主咁嫁！
今次confirm衫，歷時2個鐘！
最後加埋o係呢度租埋首飾，咁就大功告成喇，哈！
由於我bd 係全年都好日o既日子，連Annie同Dorothy都話多到有o的恐佈，所以我只可以約到早幾日去final fit，約唔到1星期前呢！
對鞋Dorothy同Annie 都話唔錯，又唔係太尖頭，一定會著得好舒服！
我話係呀，但對鞋好平嫁咋，o係珠海買，o個時只需要人仔50咋！
連Dorothy都話好抵添，哈！
衫相暫時未有住，諗住o係佢web度睇o下有無我hold呢4件，點知係一件都無嫁！
想睇就可能要我bd之後o既相lu，哈！
今日長週，放工後就去o左荔景lu！
因為約o左豬豬女麻女麻飲茶呢！
女麻女麻同呢間酒樓o的侍應好熟！
個侍應問呢兩個係邊個！
女麻女麻係答：”呢個我個孫，呢個係我孫新抱”！
女麻女麻係咁講住孫新抱！
哈！搞到我鬼咁唔好意思添！
之後同女麻女麻上樓坐o左一陣，就去新都會行街lu！
因為想搵整簽名筆o既公仔呢！
但搵o左好耐都搵唔到合適o既公仔！
到最後終於都搵到喇，係咩公仔唔講住，哈！
不過因為未知出黎個效果得唔得，所以只係買o左一隻用黎做試驗先！
聽日開始開工，希望我o的手工出黎唔差啦，哈！
之後豬豬帶我由葵芳行去葵涌搭巴士呢！
雖然行o左好耐，但我好enjoy同豬豬行o既每一步嫁！
搭完巴士去o左吉之島！
原來呢三日有95折呢！
我o地o係超級市場入o左好多貨呢！
今日仲打o左去律師樓confirm時間同e-mail，因為要對擬結婚通知書上面o既內容！
但有地方要改呢，就係個地址喇！
今晚等豬豬睇埋6299個名有無錯就可以覆返律師樓o個邊喇，等佢準備文件o麻！
今日心情指數係爆燈呀，哈！下個月就係我同豬豬拍拖6週年喇！
仲兼係婚前o既拍拖紀念日添！
為o左隆重其事，所以有特別安排，哈！
我o地又重溫兩年未再去過o既地方喇！
之前已經一直留意住，幾時會有function搞！
尋日終於公佈o左！
o岩o岩好開始日期係紀念日前一日，咁就fit晒啦！
尋晚同豬豬傾好o左，佢都好讚成呢！
所以我今朝就去o左買飛喇！
點知去尖咀閘內間OK，佢o岩o岩好賣晒！
咁我就行過去尖東站買喇！
好彩呢間有咋，唔係又失望而回lu！
我仲要求個店員俾我要求o個兩個主角飛我添呢！
其實今次入去仲有另一個target呢，hehe………..！
真係好開心呀！
好期待劉華生日o個日呢，哈！尋日執箱時，發現到有張之前入CRABTREE & EVELYN VIP o既coupon！
佢話生日o個個月去買o野有7折！
咁o岩今朝用晒支玫瑰香水，所以今日下晝就去問o下張coupon用唔用得喇！
佢話用得，當然買我至愛o既香水啦！
咁就一次過買o左2支，因為平時VIP都只係得85折咋！
我仲幫大馬師姐買o左支hand cream添！
埋單時個sales話買夠1千就可以拎兩套護膚品喎！
咁我見爭少少，就買多張$300 coupon喇！
可以for之後Christmas o既discount時再去買過香水，咁即係變相7折再7折呢，哈！
之後送o左1套俾大馬師姐，自己留一套用！
就當月餅其間咁辛苦，獎勵自己o既禮物啦，哈！第一個target就係要去scan o左童年o既相喇！
搞o左成幾個月，成日話去scan都唔得閒去scan！
唔得閒係藉口，唔知邊度有得scan先至o岩，哈！
尋日同豬豬落樓下買餸，見到有間晒相店！
咁就去問o下有無得scan相啦！
點知佢話有喎！
問o左價錢都ok，所以就決定去呢度scan！
只不過係驚佢scan出黎o既色唔知靚唔靚o姐！
不過話晒佢都係晒相店，部scanner都唔會差得過我公司o個部掛！
之前諗住返公司scan，但o的色出黎實在太差喇！
呢o的錢都係要俾人賺呢！
第二個target就係要搵到透明貼紙喇！
係用黎print好晒o的人名，再貼落張帖封度o既！
不過宜家先知原來新居附近係無文具店嫁！
而返工o個頭又無喎，都唔知去邊搵好！
叫豬豬搵，佢又唔識，話係咩黎嫁喎！
唉……睇黎都係要我出馬嫁喇！
呢o的細節都係女仔細心o的！
希望呢兩個target可以今個星期完成啦！除o左打去2in1問上律師樓o既o野，我仲打o左去租車公司同租衫度呢！
先打去盈集坊！
接線o既係Dorothy！
Double confirm 約o左今個星期日上去final 揀衫！
Dorothy仲話咁我唔再打俾你提你嫁喇，你好自己上黎喎，哈！
我仲問埋租首飾package，因為當日加o既o野要俾cash，唔收EPS呢！
真係好期待星期日o既來臨呢！
之後再打去租車公司！
因為之前佢寄張單黎，話我o地28座只係租o左4個鐘！
咁個接電話女仔幫我check 電腦，佢話資料係book o左5個鐘！
咁我問佢會唔會出過張invoice俾我，佢話唔使，佢o地都係以電腦資料為準！
但為o左保障自己，所以豬豬決定去完律師樓簽文件後，上去佢o地office，叫佢o地print返張o岩o既invoice俾我o地！
之後我仲問佢咁要幾耐前同佢o地confirm用車時間！
個女仔話1個月前就ok喇！
不過我都會10月頭或中就confirm嫁喇，費事搞到o的時間咁”燘”！
因為仲要問埋包咩o既花車佈置呢o的細節呢！
若唔o岩心水都仲有時間搵過o的材料去佈置架花車o麻！
就係因為做o左咁多o野，所以豬豬今日先讚我叻咋，哈！由於o的結婚o既收據o係晒我度，所以今日就由我去打電話去問喇！
打去2in1，問個接電話o既小姐，11月23日婚期，咁會幾時有律師打黎叫我上去簽文件！
佢話通常個半月前就會有電話黎同我o地約時間喎！
但佢亦都補充，其實3個月前文件已經搞掂，可以就返自己，約時間上律師樓！
咁我當然問埋佢律師樓個電話啦！
呢個接電話o既女仔態度都真係唔錯，我係咁問佢o野，語氣俾我感覺到無唔耐煩！
之後就打去律師樓喇！
咁o岩跟開2in1註冊o個個人放大假喎！
但我都求其問個接電話o既，我係咪可以約時間上黎簽文件！
問o左我婚期，等o左一陣，就幫我約時間喇！
問佢星期六辦唔辦工，既然佢辦工，就當然約星期六啦！
好o野，既然要做o既，早o的搞掂佢，唔使心掛掛o麻！
今日豬豬都讚我乖同叻添，哈！o係家居展玩完之後，就落返婚紗展個會場lu！
因為豬豬諗o下諗o下，都係要再去買多2支紅酒呢！
我o地就係買o左呢兩支酒喇！
個口感係飲咁多隻裡面較為好o既！
我o地仲扼多半支酒飲添！
當然有飲到我最鐘意o既豹紋甜酒啦，哈！
買埋呢2隻酒，就返屋企lu！
其實行第一round時都有留意o下o的花車佈置材料！
到最後我同豬豬結論係 – 俾 Loretta 幫我o地搞！
話晒佢都係wedding planner，有佢幫我諗我會放心o的！
二來我亦都唔使自己煩o麻，哈！
睇黎下個月都真係要搵個星期六得閒，上去佢office度傾o下我o地會場佈置，紅酒送貨，花球，同花車佈置o的o野喇！
而最重要o既係我o地又可以o係佢office試飲紅酒呢，哈！
今日付出唔算多，但已經有好多禮物拎返屋企喇！
今日真係好開心，好多謝豬豬帶去我玩o左咁好玩，咁開心o既一日！
因為婚紗展可以入埋家居展，我同豬豬抱住去睇o下有咩睇o既心態去睇埋佢喇！
上到去，都原來幾多人喎！
我o地發現到有雅蘭擺booth！
咁我o地當然走埋佢睇o下啦！
因為之前想買雅蘭床褥，但基於個價貴過雅芳婷，而我同豬豬都覺得雅芳婷o個張都幾好訓，所以就買o左雅芳婷喇！
去到床褥有55折，夾埋其他佢送o既禮品，都ok嫁！
但可惜我o地已經買o左呢，唯有等下次換床褥先再諗佢啦！
但俾我o地發現到雅蘭居然做緊65蚊個枕頭喎！
原價成2百幾蚊嫁！
豬豬試過個手感，都覺得ok，而高度又係豬豬訓開o個隻，所以就買o左1個喇！
而我就買o左個叫蕎麥枕o既雅蘭枕頭！
呢個高度我訓開，而佢又標榜係冬夏可以有兩種唔同o既感覺！
所以我就買o左呢隻喇！
兩個枕頭夾埋2百蚊有找，真係好抵嫁！
而最意外o既係申請o左兩張信用咭！
申請係因為佢迎新禮品同即場填表可以有禮品o麻，仲可以轉幸運輪添！
以下就係我o地o既免費禮品喇！
可摺疊o既旅行袋！
TVB Buddies！
鴨仔時穜收音機！
Movenpick 意大利特濃咖啡粉！
尖沙咀鐘樓立體砌圖！
彈弓人！
o係呢度真係收獲豐富呢！
之後行埋Diamond 淨水器個booth，仲拎埋支保濕水添！
佢話會即場申請，可以免費有個濾水器，但因為豬豬話無用，而我又嫌佢太大舊，所以最後都係混吉走人，哈！
之後發現到有把刀好正，唔會整親手嫁！
但個價實在太貴喇，我呢o的小市民買唔起呢！
行完就再落返婚紗展再混吉lu，哈！今日成12點先起身！
睇埋中國女排贏埋古巴拎銅牌，就開始今日o既行程喇！
首站返黃大仙舊屋拎o左信先！
因為要睇o下有無婚紗展入場卷o麻！
點知真係有喎，咁就梗係要入去啦！
我o地行o左一個圈！
當然，主要目的係去買豹紋甜酒啦！
其次係睇o下有咩新奇o野睇咋！
我o地周圍混吉，o的人派傳單俾我o地，豬豬係答”我係唔會睬你o既！”！
真係俾佢激死，哈！
我今日都有意外收鑊嫁！
就係買o左個我想買好耐o既”囍”字打孔機喇！
呢個係大型版！
其實唔知有無買貴到，我費事又特登走出花園街搵o麻！
試過按過，都唔係需要太大力就按到！
到俾錢時，估唔到係標價仲有9折！
買完呢樣，再行埋剩返o既地方，就返去買酒喇！
我o地先買o左2支豹紋甜酒！
我o地仲飲o左人o地成支紅酒先落單添，哈！
連個sales都話我o地咁飲得！
因為好少人會好似我o地兩個咁厚面皮，飲完又再叫人俾多o的o麻，哈！
今次貴o左少少lu，無我o地上次買咁平！
之前買1箱12支就有9折，宜家要買2箱先有9折咋！
我o地仲同個老細一路飲紅酒，一路傾計添！
老細話下水可能平o的，因為會入多o的貨，咁o的shipping charge可以平o的，個售價可以平返o的！
之前個美酒展佢話有飛多，最後都掉o左！
我o地話下次有你一定要call我o地，我o地實去掁場嫁o麻！
下個月頭有個展，個老細仲叫我o地打俾佢，佢帶我o地入去添！
玩完婚紗展，就上樓上個家居展lu！尋日我同豬豬輪流打牌！
當佢打牌時，我無o野做就入房搞o下o的結婚o野喇！
尋日將32張金雅喜餅咭入晒封lu！
好彩o係佢改包裝前買o左，可以用舊design 封o姐！
新o個o的我覺得好唔靚呢！
以下就係舊款o既餅咭喇！
右面o個張係用黎for換過大禮用o既龍鳳餅嫁！
呢三十幾張都唔算係咩，o個310張西餅咭先攞命呀！
不過，呢o的咁艱辛o既工作，梗係留返俾我伴娘搞啦，哈！
黎緊我o既工作就係要入回禮利是喇！
入300張都真係唔野少！
本來諗住摺個心型放入去嫁，但俾豬豬band o左，話sign時間喎！
所以最後都打消呢個念頭lu！
我同豬豬比較多諗頭！
之前豬豬諗住回禮利是入歐羅1蚊嫁，但可惜佢唔係紙幣呢！
又諗過用美金1蚊，但我話即係玩o野o姐，人o地都使唔到！
事後俾人講就唔好啦！
So 最後都係用返港幣10蚊算lu，哈！今個月好乖呀，搞掂o左印帖！
下個月就要去律師樓宣誓，同埋真係要完成埋個成長片段o的相喇，唔係其他o野都會太趕！
所有1123 o既姐妹，仲有3個月，要努力、加油呀！
日期： 2008年11月23日
酒席地點： 德福美心皇宮 5時恭候 8時入席
註冊地點： 2in1 佳偶天成 3:30 p.m.註冊儀式開始
(9-10月到律師樓簽同意書)
婚紗相： 1. 珠海現代經典
2. 以馬內利
3. 法國 (8月13日收o左相)
婚禮攝錄： Picasso Wedding (2p+1v) (9-10月要加緊努力)
化妝： Decor Square – Ashlee (全日) (等8月31日confirm晒衫就再去試妝)
會場佈置： Decor Square – Loretta (約Loretta 9月傾)
餅咭： 美心 (310張) + 奇華 (32張)
紅酒： Decor Square – 智利 + 澳洲紅酒 (60支)
烈酒： Whiskey (10支)
甜洒： 南非非洲豹甜酒 (8支)
小禮物： 總之就係好o野啦！
婚紗晚裝： 盈集坊 (1拖尾wg + 3 eg) (8月31日final confirm衫款)
新郎禮服： 君悅禮服軒 – 1黑1白 (10月頭試身)
裙褂馬褂： 錦發 (1千禧中五福頭褂 + 1馬褂) (10月頭試身)
晚裝鞋： 金色3吋高踭鞋
花車： 棗紅色賓利 + 28座Van (9-10月再confirm用車時間)
結婚戒指： PN + 點睛品?! (點睛品已買，等刻名)
請帖： 心印 (9月11日有得拎)
觀禮咭： 埋首中 (有兩位姐妹已認頭負責)
婚禮雜項： 廣州購買
花球： 2個絲花球 (伴娘幫我諗)
姐妹衫： 傾城婚禮 (伴娘長裙+其他短裙，共有六個姐妹去o左揀衫)
車頭公仔： 中式牛奶妹+牛奶仔
Girdle： 私人胸間
婚前檢查： 婚後才做
過大禮： 2008年9月13日 時間：0900-1100(8月底-9月初預備)
上頭時間： 2008年11月22日 女：11:00-12:00 男：11:00-12:00
Rundown： 已draft好，有待豬豬最後審核 (最遲10月尾final)
Table Menu： 未開始諗點設計 (有兩位姐妹已認頭負責)
宴客名單： 女家已齊，欠男家 (9-10月confirm最後名單)
成長片段： 歌已揀好，未執好o的相 (要加把勁，8月去Picasso搞埋佢)
婚宴歌曲： 已有一大堆，但未confirm (9-10月final decision)
結婚蛋糕： 酒樓送8磅蛋糕 (10-11月初confirm 款式)
菜單： 未定 (伍生已答應9-10月幫我寫，我只要俾budget就得)
換新銀紙： 多少未定 (仲爭一半未唱晒)
居住事宜： 藍田 (已入伙)
美容纖體： 要開始keep fit，最想減係手臂同肚腩
今日要上中山三鄉睇廠！
好驚架船好浪，但好彩去程同回程都無咩點浪，只係回程入o左香港境之後比較浪咋！
我o地搭9點半班船上珠海，個vendor o既司機已經o係閘外舉住個牌等緊我o地喇！
原本係同埋阿哥上，但由於佢有o的urgent o野要做，聖母下旨要佢返公司，唔可以上去！
所以今次只係得我同媽媽去咋！
去到珠海，搭多1個鐘車，本來安排去廠先，但由於o的工人放食lunch，所以我o地先改o左去食晏！
呢間o野好好味，尤其係o的乳鴿，真係好好味！
仲估唔到lunch會有翅食添，哈！
之後就去廠參觀喇！
o個度個規劃好似我去英國睇o的廠，可能係因為美資，所以o的規劃都有外國o既影子！
佢o地個GM仲特登同我o地一齊行廠添！
仲俾我o地去個平時唔比其他guest 入去參觀o既秘密基地呢！
咁即係佢o地都好信我o地，所以先比我o地睇！
參觀到3點9就開始搭返車出珠海碼頭lu，因為要趕o係天氣轉壞前搭船返香港！
我o地搭5點班船，點知都搞到成6點半先返到黎香港，6點9先出到關！
之後媽媽返公司，佢叫我唔好返，所以我就搭巴士返屋企喇！
返到屋企真係累到呢，所以連晚飯都無食就8點幾上o左床訓覺lu！今日豬豬又為honeymoon做o左o野喇！
就係去買o左旅遊書喇！
今日豬豬去o左新世紀三聯，買o左3本書，全部都係for honeymoon用o既！
買夠200蚊用hsbc仲有9折，所以豬豬就買o左3本，o岩o岩過o左200蚊，平o左十幾蚊！
其實豬豬最想買o既就係呢本手指意大利喇！
係學意大利文嫁！
記得去泰國時，豬豬亦都買o左本學泰文o既書！
不過豬豬o既語言天份又真係幾得嫁！
今次都係靠佢學識少少意大利文走天涯嫁喇！
仲有就係買多o左本關於意大利o既旅遊書，補足之前o個本o既不足！
最驚喜o既係豬 豬買o左本歐洲名牌o既書，等我可以去買名牌，哈！
不過名牌我都唔好o既，我只係想買對情侶銀包咋！
唔知買LV定Gucci好呢？
仲有就係上次買落o既旅遊書喇！
呢本有埋可以拎出黎o既地圖，好有用嫁！
豬豬買埋呢幾本書，睇黎真係有排做功課lu！
不過搞好個婚禮係當前最急！
但都要去物識o下有咩心水酒店o既！
因為下個月頭就會去book機票同酒店呢！
