政府第四次產檢

等o左1個月，今日終於可以再見到大小B喇！

準時12點半放工！

之後買去麥當當買o左個包上巴士食！

而老公都搭車過去QE喇！

架車好快，1點4個字已經出到佐敦lu！

等o左2個字倒老公都到喇！

跟住就去登記lu！

今日o的人都好準時o下！

我準時2點上到B3，都已經有2位媽媽到o左喇！

等到2點9倒，開始叫第1位媽媽入去喇！

我就係第三個，等到3點3就入得去超聲波房lu！

今次再睇返阿囡個心臟！

醫生話阿囡個心臟好好，無問題！

順便再由頭睇多次！

之後再睇埋阿囝喇！

但今次醫生無特登照阿囝個姑姑同阿囡個雞雞呢！

搞到老公好失望！

可能老公怕上次醫生係照錯掛！

我話我見到阿囝個姑姑喎，係阿囡睇唔清楚咋喎！

咁老公先安樂o的咋！

之前阿囝同阿囡都係比正常細o左一個week！

但今次阿囝已經追返上黎喇！

同正常一樣係22w2d！

但阿囡就無追到咁多，但都追o左3日，今日有21w6d喇！

而阿囝就有15安士，阿囡就有13安士！

醫生話佢o地係正常重量喎！

老公話要叫同阿囝唔好搶晒阿囡o的o野食，哈！

但老公話點解個醫生成日都話大小B好正常，好好，無問題！

我話無問題咁咪好囉，唔通你想醫生話佢o地有唔妥咩！

醫生開o左3個月葉酸俾我食！

下次覆診係6個星期後！

要做糖水測試喇！

成12個鐘唔可以食o野喇，諗起都怕怕！

老公話o個日拎AL陪我去睇喎！

之後就去o左永安行o左一陣！

因為想去睇o下Medela Swing奶泵幾錢！

佢只係做9折咋！

等2月尾一田個bb展再去睇o下有無8折先！

如果無遲o的就要叫Pauline 幫我去護協買lu！

但今日都有少少收獲！

買o左4套夏天衫俾大小B呢，每人兩套，唔使爭！

黎緊2月尾有幾個BB展，要安排o下邊日去邊個先得lu！