大年初四

今日又好滿足地訓到12點先起身！

呢幾日大小B好乖，俾我訓夠8個鐘先踢醒我！

等到1點鐘老公都起身喇！

老公應承我今日同我o地一家四口去睇戲嫁！

本來想去睇新少林寺！

但上網睇，5點場得返第一行！

咁即係唔使睇啦！

跟住睇埋我愛香港！

仲有第5行呢！

咁老公就話過去APM買飛喇！

出門口同媽咪講話去睇戲！

媽咪又話想睇曽志偉o個套喎！

咁問佢一唔一齊去睇啦，媽咪話好喎！

所以就一齊去睇喇！

去到APM老公先去買飛，我同媽咪就去睇o下食咩喇！

最後老公話去王家沙！

食食o下仲有人舞獅添！

唔知係咪大小B聽到好大聲，係咁踢我！

個個星期飲完花膠湯大小B都大隻好多！

今次都唔例外！

連老公都話做咩佢o地今日一訓醒就大隻咁多！

搞到個肚大o左足足有半吋呢！

食飽行一陣就入場lu！

套戲都幾好笑，媽咪都睇得好開心！

睇完就去吉之島超市買少少餸返去煮飯喇！

咁就放o左4日假喇！

大小B就玩足4日！

聽日就開工大吉喇！

我都好想放多兩日陪老公呢！

但我都吩咐o左老公呢兩日放假要執雪柜同打去book時間安裝！

因為星期六就送o野黎呢！