大年初三

尋晚打牌打到半夜4點，今日訓到成點先起身！

跟住周生話上黎拜年！

我o地當然無任歡迎啦！

佢o地3點半上到黎！

當我俾杯茶佢o地飲o既時候，Yuki終於都見到我個肚！

佢先係同周生講話佢有o左呀！

跟住再講”點解佢個肚腩咁大o既？！”

佢o地係老公IVE班同學中第一個知我o地有o左大小B！

跟住Yuki仲話叫周生儲定錢買o野送俾大小B添！

第時我會叫大小B叫佢做周伯伯同姐姐嫁喇，哈！

佢o地坐o左陣就走lu！

之後我o地都落o左樓下食下午茶！

跟住去買隻雞煲湯！

今日唔燉湯lu，改煲老火湯！

係蟲草花鮑片花膠煲雞湯！

等緊煲湯得o既時候，仲同媽媽打三人麻雀！

今日係打大麻(打大陸麻雀)添！

今晚好勁，我贏晒呢！

打到10點半煲湯煲好lu！

老公讚呢個湯好好味！

仲可以一晚內飲晒成煲湯添！

聽日老公話帶我同大小B出街wet喎，哈！