大年初一

兔仔年終於都來臨喇！

即係意味住大小B好快就出黎見世面喇！

今日行程唔算緊密！

上晝o係屋企食o左蘿蔔糕、湯圓應節！

跟住就出發去姨媽屋企lu！

今日終於都話o左俾姨媽姨丈知我有o左大小B lu！

等埋四姨上黎，再坐多陣就走lu！

因為要出發入屯門同女麻女麻拜年呢！

我o地先搭車落黃大仙！

因為要等埋老爺同叔仔，所以諗住去食個下午茶先！

但落車就見到有掃街！

咁當然襯o下熱鬧買返o的黎食啦！

仲買o左碗生菜魚肉上巴士食添！

大約5點零入到屯門，先去女麻女麻道拜年先！

跟住就上姑媽度喇！

老公同表姐姑姐佢o地打o左陣牌！

今次係打跑馬仔呢！

老公今年無咩贏輸！

二表姐仲同大細珠女講出年表舅父唔抱你o地嫁喇！

因為要抱你o地表弟表妹呢﹐哈！

打到9點半倒等埋植伯黎就食飯lu！

今晚食盆菜！

食完飯都成11點幾！

本來老公想打多一陣先走嫁！

但伯娘話要趕車走喎！

所以變o左無腳打唔成lu！

我o地都返去女麻女麻道坐多陣就走lu！

姑姐仲俾o左件新o既大褸老公著添！

老公想買好耐嫁喇，但因為覺得太貴所以無買！

宜家終於有件大褸lu！

我o地搭車返觀塘再食宵夜！

本來想去食掃街，但因為太多人等喇，所以無食到！

我o地去o左食牛肉粥、椒鹽九肚魚同炸魚片！

食到好飽飽呢！

大小B好滿足地過o左兔年o既第一日呢，哈！

黎緊呢幾日都有節目呢！