每日一Sim

今日老公又有Simpson事件！

7點放工時打俾老公，老公都話差唔多走！

我去到巴士站因為班車太多人，所以我無上到！

等緊第二班O既時候，老公打黎話地鐵去到長沙灣！

咁我就叫老公搭去油麻地轉車，因為有得坐O麻！

架巴士返到觀塘，我就慣性打俾老公！

當時我聽到老公好靜，都唔似搭緊地鐵O既！

老公就話無咁快到喎，叫我落車先再打俾佢！

落車後我再打俾老公，老公話佢仲未落得車！

我就問佢O係邊，佢話佢去O左旺角搭小巴，快O的喎！

點知俾我問O下問O下講話因為土瓜灣好多燈位！

我就話：”.哦…….你去O左佐敦買蛇”更””

老公頓時先知佢俾我跣 O左，仲話自己輸晒O左，哈！(因為旺角返油塘VAN係唔使經土瓜灣呢！)

我問老公點解會去O左佐敦！

老公個答案係----“架地鐵過O左油麻地站我先知，咁咪去佐敦先落囉！”

跟住老公仲話佢出錯出口，行O左好耐先去到買蛇”更”O個度！

老公今日真係Sim晒呢！

或者因為佢今日太開心啦，哈！(今日知道個結果我都替老公開心呢！)