急性腸胃炎

今朝都仲好地地！

到O左11點零，個胃開始痛！

咁我即刻食粒胃藥啦！

點知過O左半個鐘都仲痛，仲係越黎越痛O個隻！

到O左12點半，真係痛到頂唔順喇！

好彩之前話俾老公知我胃痛，佢買O左粥過黎俾我食！

公司媽媽見我咁就打俾老公，叫佢上黎接我走！

媽媽仲親自O係LIFT口帶佢入黎我個位！

我見到老公，即刻捉住老公，真係痛到喊O左出黎！

跟住老公同我去O左QE急症！

老公幫我去登記！

分流完，等都唔使等就入到見醫生！

我痛到講唔到O野，全部O野都係老公幫我答！

醫生即刻幫我打O左支止痛針同食胃藥水！

跟住觀察O左1個鐘！

打完止痛針3個字倒開始無咁痛！

如果唔係就要抽血再作詳細檢查嫁喇！

到O左2點9，醫生再次叫我入去！

我話已經無咁痛！

醫生見我可以講到O野，就開O左O的藥俾我返屋企LU！

我真係未試過咁痛呢！

好彩老公即時O係身邊，如果唔係都唔知點算！