EWin

今日媽媽生日，由於book o左位7點半，返到藍田都只係7點！

所以就去o左買六合彩喇！

因為聽日有金多寶呢！

又可以襯住媽媽生日，沾o下佢o的旺氣！

同媽媽夾份買o左條電腦飛！

估唔到條電腦飛都有咁多個3字，媽媽同個3字真有緣！

跟住見到投注站有個promote，話開投注戶口有o野送！

係一個馬會125週年o既銀包呢！

加上媽媽又話叫我開返個，放o係度唔用都得！

所以就咁就入o左會啦，哈！

呢個就係紀念銀包喇！

我借花敬佛，送o左俾媽媽做生日禮物呢！

除此之外，o係4月13號上網戶口只要買1注六合彩，就有個web cam連咪送喇！

媽媽同老公開戶時無o野送嫁，哈！

不過俾媽媽笑我咁大個女都唔識呢o的o野！

咁梗係啦，我勁少去投注站嫁o麻！

六合彩都係老公買o既！

個戶口我都係放o係度居多嫁喇！

因為我都唔賭馬賭波o既，只係間唔時買o下六合彩！

希望聽日沾媽媽o既熊福，中六合彩啦！(又o係度發緊夢，哈！)