今日3月1日，正好係我同老公個大計最好o既開始日子！
今日係萬寜日，所以放工就同o左老公去o左買o野！
就係GNC o既Big 100喇！
仲入埋GNC會，即時有8折！
其實之前諗緊買Folic Acid 400 好定係Big 100好嫁喇！
但老公都話聽過係話Folic Acid係要夾埋B6同B12先有顯著效果！
所以最終都係買o左Big 100！
每日只係要食1粒！
除o左補充Folic Acid之外，由今日開始會每朝飲杯奶！
因為我條腸對奶敏感，次次飲親都瀉！
但要補充鈣都無法！
所以今個星期開始飲奶！
不過係高鈣低脂朱古力奶o姐！
今日飲完都無瀉到呢！
不過跟據讀營養o既阿妹講，豆漿都可以有補充鈣o既作用！
所以下個星期會轉飲無糖豆漿！
仲有就係開始量體溫喇！
咁o岩大姨媽今日開始黎探我，正好配合我o既量體溫計劃！
作戰 ……….正式開始！
女人要補, 咁男人洗唔洗?
回覆刪除[版主回覆03/01/2010 22:13:00]咁呢層我又無研究喎！
其實只要m第一日開始計....第十四至十七日應該會幾準架！
回覆刪除同埋唔好飲 豆漿呀！因為佢太寒涼...會不知不覺無左都唔知架！我都只係keep住食folic acid 400同埋朝早一杯麥皮.....
[版主回覆03/02/2010 19:08:00]如果我個CYCLE係34日都係第十四至十七日嫁？！
原來豆漿唔飲得O既......明白！
食魚生, 生蠔..... 呢D 會唔會有用?
回覆刪除再唔係中藥個D 鹿茸, 大補酒得唔得?
[版主回覆03/03/2010 07:27:00]我諗唔使食中藥咁激呀.....我驚佢太補喎！
或者真係買多O的生蠔同牛扒俾老公食先！
BIG 100係唔係葉酸?
回覆刪除[版主回覆03/04/2010 07:34:00]BIG 100係維他命B雜，佢裡面包含埋400mcg O既葉酸！
男人就要不煙不酒, 仲要有足夠時候休息!!! 希望你早日成功拉!!
回覆刪除[版主回覆03/07/2010 11:32:00]老公不嬲都不煙呢！至於酒就只係星期六、日先飲！
我會提點O下老公嫁喇，哈！