今日同公司媽媽夾o左出年農曆新年o既假！
我會由1月29號開始，放到2月13日先返工！
其中有5日係婚假，要請6日大假！
伍爺問我去邊度honeymoon！
我話去意大利囉！
伍爺就話我係逆市奇葩喎！
係呢個經濟低迷時期，仲去o的咁高消費o既地方！
跟住媽媽就話”一世人一次，當然要豪o的啦！”
果然大家都係女性，諗o野都一樣，哈！
不過，到現時為止，只係confirm o左機票，未book酒店！
因為呢part老公話佢全權負責，唔使我操心喎！
唔知我幾時會有個行程表可以睇呢？！
各位朋友，真係唔好意思喇，今年逗唔到我封利是！
因為我會年初三零晨飛，到年17先返香港呢！
我同老公鄉下，都只會o係年15前派利是嫁，哈！
唔緊要啦!初一和初二到可以派利是給朋友的...
回覆刪除[版主回覆12/03/2008 20:57:00]初一同初二要留返俾屋企人呢！
呢個係我o地諗出黎避年o既方法呢，哈！
咁我呢 ?
回覆刪除我有冇利是嫁 ~
by 表妹
[版主回覆12/04/2008 07:44:00]你呀............你初二出黎同我拜年我咪俾你囉，哈！
哇...咁快諗埋避年喇..haha!
回覆刪除冇錯一生人一次，要豪一豪！
我honeymoon要等到出年五月先出發，(攪結婚超左支,所以要儲返d先)
不過冇你咁好彩去意大利！
[版主回覆12/04/2008 20:24:00]其實我10月時已經買o左機票嫁喇，係唔關搞結婚開支事o既！
因為我同老公都好鐘意歐洲呢，所以先決定去意大利！