預祝麥兜表妹生日

雖然今個星期公事上非常辛苦，但麥兜表妹生日咁大件事，當然要同佢慶祝啦！

阿妹聽日先係正日生日，但因為佢聽日一定有約，所以提早今晚同佢慶祝！

我o地去o左九龍酒店倚窗閣食buffet！

揀呢度係因為阿妹點明要食鵝肝喎！

同埋上網booking每四位有一支紅酒送！

                

我o地一家三口(我、老公同我媽媽)一齊同阿妹慶祝！

Book o左7點，阿妹同老公好準時到呢！

但媽媽就爛老定，6點半先o係大角咀黎！

咁當然係佢最遲啦，仲要唔識路黎！

不過由於我o地坐窗邊，望落去就見到媽媽！

咁就一路講電話，一路教佢點黎喇！

九龍酒店o的o野食ok呀，refill又快，真係唔錯！

由7點食到9點半！

我同老公食到9點已經好飽，但阿妹仲係咁食甜品！

阿妹話今日好開心喎，可以食到咁多好好味o既o野！

跟住我o地仲影o左相添！

                

                 

之後我、老公同媽媽陪阿妹行去搭火車！

因為想陪o下阿妹呢，同埋唔放心佢自己一個去火車站！

我o地都成11點半先返到屋企呢！

希望今次呢個安排，阿妹滿意啦！