麥兜表妹係”仲”猜

今日老公無端端講o左個爛gap！

老公今朝o係廁所梳緊頭，話”你表妹咪係仲猜囉！”

我話點解呀！

表妹又關o岩o岩俾人推翻o既泰國總理咩事？！

老公就話，”佢猜完又猜，佢仲要猜贏為止先肯罷休，佢仲唔係”仲”猜！”

哈，咁都俾佢諗到，真係無佢收！

今晚由於阿妹屋企無飯食，而我o地又打邊爐喎，咁就叫阿妹溫完書出黎一齊食喇！

問佢知唔知邊個係仲猜，佢係話唔知嫁！

跟住要解釋俾佢知，佢先識笑！

仲話表姐夫講爛gap添，哈！

跟住我o地又玩大話”six”，仲有玩啤牌添！

我同老公今晚隊o左阿妹都飲幾多！

阿妹今晚本來話走，但玩得太開心喇，三姨放工叫佢走佢都無肯走，仲叫三姨上黎一齊玩添！

之後三姨又上埋黎一齊食同玩！

哈，呢隻妹真係爛玩！

玩到一半，阿妹已經high high o地，傻o左咁喇！

佢都未試過一次過飲咁多o既，梗係high high o地啦！

見佢個樣真係好笑，仲要話玩蓋棉台係反應最快！

哈，佢同老公講，老公即時話咁要試o下啦！

點知我o地三個玩，佢係輸嫁！

佢話佢真家神志不清，唔算數，要聽朝再玩過喎，哈！

呢餐打邊爐足足由夜晚7點半開始，食到半夜2點呢！

今日真係好開心呢，真係每次有阿妹o係度玩，真係俾佢笑死！